Genesis

Genesis Chapter 10

Abeg click here to share dis post

Di History of Noah Family

  1. Na di generations of Noah sons be dis; Shem, Ham, plus Japheth; and dem con get sons afta di plenty-water for di earth.
  2. Di sons of Japheth na; Gomer, plus Magog, and Madai, and Jovan, plus Tubal, Meshech plus Tiras.
  3. And dis na di sons of Gomer; Ashkenaz, plus Riphat, and Togarmah.
  4. And di sons of Jovan na; Elishah, plus Tarshis, Kittim, and Dodanim.
  5. Na dem be di ancestors of those pipo wey dey stay near water and for islands. Na dis be di sons of Japhet—wey dey live for dia different lands and kontris—all of dem wit dia own language, and dia own families.
  6. And na dis be di sons of Ham; Ethiopia [Africa] and Egypt, Put, plus Canaan.
  7. And na dis be di sons of Ethiopia; Seba plus Havilah, and Sabtah, plus Raamah, and Sabtechah; plus di sons of Raamah; Sheba, plus Dedan.
  8. And Ethiopia [Cush] born Nimrod: he con be strong ogbonge pesin for di earth.
  9. He be ogbonge hunter for Baba-God eyes: so pipo con dey  use hin name take do parable. Dem go tok sey, ‘Dis man be like Nimrod wey be di greatest hunter for di  world.”
  10. And di starting of hin kingdom na Babel, and Erech, plus Accad, and Calneh, for di land of Shinar.
  11. From dat land nahin Ashur take komot, and he build Nineveh, plus di city of Rehoboth plus Calah,
  12. And Resen wey dey for di middle of Nineveh and Calah; wey be ogbonge city.
  13. And Mizrim con born Ludim, plus Anmim, and Lehabim, plus Naphtuhim,
  14. And Pathrusim, and Casluhim, (wey Philistine come from plus Caphtorim).
  15. So Canaan born Sidon wey be hin first pikin, plus Heth,
  16. And di Jebusites, plus di Amorites, and di Girgasite,
  17. Plus di Hivite, and di Arkite, plus di Sinite.
  18. Plus di Arvadite, and di Zemarites, plus di Hamathites: and lata nahin di families of di Canaanites spread go out.
  19. And di border of Canaanite na from Sidon dey go Gerar, far-far go reach Gaza, and den go reach Sodom, Gomorrah, Admah, plus Zeboim—far-far go reach Lasha.
  20. Na dis be di sons of Ham, wit dia families, wit dia  language, inside dia kontri, and for dia nation.
  21. Shem wey be di senior broda of Japhet nahin be di  ancestor of all di Hebrews.
  22. Na dis be di pikin of Shem; Elam, and Asshur, plus Arphaxad, and Lud, wit Aram.
  23. And na dis be di pikin of Aram; Uz plus Hul, and Gether, wit Mash.
  24. So Arphaxad born Salah—Salah con born Eber.
  25. Eber born two boys; one name na Peleg; becos for hin  days, di earth con divide, and hin broda name na Joktan.
  26. And Joktan born Almodad, and Sheleph, plus Hazarmaveth, and Jerah,
  27. Plus Hadoram, and Uzal, wit Diklah,
  28. And Obal, plus Abimael, and Sheba,
  29. And Ophir, plus Havilah, and Jobab: all dis na di sons  of Joktan.
  30. And dia land na from Mesha, as if you dey waka go Sephar—one mountain wey dey for di east.
  31. Na dis be di sons of Shem, based-on dia families, dia  language, dia lands, plus dia nations.
  32. Na dis be di families of di sons of Noah, based-on dia generation, inside dia nation: and from dis pipo nahin di nations take dey  separate, con spread out for di earth—afta di big-water.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website