Exodus

Exodus Chapter 1

Abeg click here to share dis post

New King For Egypt

  1. Na dis be di names of di pikin of Israel wey go Egypt; everi man and hin family follow Jacob come.
  2. Reueben, Simeon, Levi, plus Judah,
  3. Issachar, Zebulun, plus Benjamin,
  4. Dan, plus Naphtali, Gad and Asher.
  5. And all di family-pipo wey come tru Jacob na seventy pipo: becos Joseph already bin dey for Egypt.
  6. Naso Joseph die wit all hin brodas, plus everi pesin for dat generation.

Pharaoh Make Dem Suffer

7. Di pikin of Israel con dey prosper, and dem grow well-well, con dey strong; so dem plenty for di land.

8. New king con dey Egypt wey no know Joseph.

9. Naso di king tell hin pipo sey, “See, di pipo of Israel don plenty pass us, and dem don dey stong pass us.

10. Come make we use sense follow dem run tins, or dem go too plenty, and if e con happun sey war dey, dem fit join awa enemies, con fight against us, con komot from di land.

11. So dem put dem under pipo wey go dey punish dem wit hard work. And dem build Pithom plus Raamese for Pharaoh as cities wey he dey keep hin tins.

12. But di more dem suffer dem, di more dem con dey grow—and dey spread. So dem con dey vex becos of di pikins of Israel.

13. So di Egyptians make di pikin of Israel serve dem wit hard work.

14. And dem make dia lives no sweet dem wit serious suffer-head.

Pharaoh Sey Make Dem Kill Di Baby-boys

15. Naso di king of Egypt tell Shiphrah plus Puah–na dem be di Hebrew women wey dey epp women wey wan born pikin,

16. “Wen you dey epp di Hebrew women wey wan born pikin, and you observe sey na boy, kill am, but leave am if na girl.”

17. But di women wey dey epp oda women to born pikin con dey fear Baba-God, and dem no gree do wetin di king of Egypt tell dem to do; dem leave di boys alive.

18. Naso di king of Egypt call di women wey dey epp oda women born pikin, con ask dem sey, “Why una do dis kain tin? Why una allow di boys live?”

19. Di women wey dey epp oda women born pikin con ansa Pharaoh sey, “Hebrew women no be like Egyptian women; dem strong well-well and dem dey born pikin before di women wey wan epp dem show-face.”

20. So Baba-God show good-heart to di women wey dey epp oda women born, naso di pipo con dey plenty more-more, and dem brekete full everi where.

21. And becos di women wey dey epp oda women born pikin con dey fear Baba-God, Baba-God give dem dia own families.

22. Naso Pharaoh tell to all hin pipo sey, “Una must throway everi Hebrew boy wey dem born, fo

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website