Exodus

Exodus Chapter 6

Abeg click here to share dis post

Baba-God Promise Israel Again

  1. Baba-God tell Moses sey, “Now you go see wetin I go do to Pharaoh, wen strong hand  touch Pharaoh, he go free di pipo, and na wit strong hand he go take pursue dem komot from di land”

2. Baba-God con tell Moses sey, “Na me be di Oga

3. and I show-face to Abraham, to Isaac, and to Jacob wit di name of Baba-God Almighty, but dem no know me wit di name JEHOVAH.

4. And I don set my agreement wit demsef, to give dem di land of Canaan, and di land wey dem travel go, wey dem be jjc (strangers),

5. I don hear di cry of di pikin of Israel wey di Egyptian dey oppress as slaves; and I don remember my agreement.

6. So make you tell di pikin of Israel sey, “Na me be di Oga, and I go carry una komot from di slave-work of di Egyptians, I go komot una from dia oppression. I go save una wit my hand wey stretch out, and wit ogbonge judgement.

7. I go carry una for body as my pipo, and I go be una God; den una go sabi sey I be Baba-God una Oga, wey dey carry una komot from di slave-work of di Egyptians.

8. I go carry una enta di land, wey I swear to give Abraham, to Isaac, and to Jacob. Naso I go give una as una property. Na me be Oga.”

9. So Moses yarn di pikin of Israel, but dem no listen to Moses becos dem dey vex for dia spirit, and becos of dia hard work.

10. So Baba-God follow Moses tok sey,

11. “Enta, make you follow Pharaoh—di king of Egypt tok sey make he allow di pikin of Israel komot from hin land.”

12. Moses con tell Baba-God sey, “See, di pikin of Israel neva listen to me, how Pharaoh go con take listen to me—wey no sabi tok well?”

13. Baba-God follow Moses and Aaron tok—about di pipo of Israel plus Pharaoh wey be di king of Egypt. And he command Moses plus Aaron to carry di pipo of Israel komot from Egypt.

Moses And Aaron Family

14. Na dis be di head of dia papa houses: Di son of Reuben—wey be di firstborn of Israel; Hanoch, and Pullu, Hezron, Carmi; na dis be di family of Reuben.

15. Na dis be di sons of Simeon:Jemuel, and Jamin, plus Ohad, and Jachin, and Zohar, Shaul—wey be di son of one Caanan woman—na dis be di families of Simeon.

16. Na dis be di names of di sons of Levi, based-on dia generations; Gershon, plus Kohath, and Merari, and Levi live for hundred and thirty seven years.

17. Na dis be di sons of Gershon: Libni and Shimi—based on dia families.

18. And na dis be di sons of Kohath; Amram, Izhar, plus Hebron, and Uzziel: and Kohath live for hundred and thirty three years.

19. Na dis be di sons of Merari: Mahali and Mushi: dis na di familes of Levi—based-on dia generations.

20. Amram marry Jochebed wey be hin aunty (hin papa sista)—as hin wife, and she born Aaron and Moses; and Amram live for hundred and thirty seven years.

21. Dis na di sons of Izhar; Korah plus Nepheg, and Zichri.

22. Dis na di sons of Uzziel; Misheal, plus Elzaphan, and Zithri.

23. Naso Aaron marry Elisheba wey be di daughter of Amminadab, wey be di sista of Naashon, and she born Nadab and Abihu, Eleazar, plus Ithamar.

24. Dis na di sons of Korah; Assir plus Elkanah and Abiasaph: Na dis be di families of di Kortites.

25. So Eleazar wey be one of Aaron son con marry one of di daughters of Phinehas. Na dis be di ancestors of di Levites—based-on dia families.

26. Na dis be di same Aaron plus Moses wey Baba-God tell sey make dem carry all di pikin of Israel komot from Egypt like army.

27. Na dem follow Pharaoh wey be di king of Egypt tok sey make he allow di pikin of Israel komot from Egypt—na dem be dat Moses and Aaron.

Moses Plus Aaron Go Meet Pharaoh Again

28. And e happun sey on di day wen Baba-God follow Moses tok inside di land of Egypt,

29. Baba-God con tell Moses sey, “Na me be di Oga; tell Pharaoh wey be di king of Egypt everitin wey I don yarn you.”

30. So Moses tell Baba-God sey, “See, I no sabi tok well-well, how Pharaoh go fit listen to wetin I dey tok?”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website