Exodus

Exodus Chapter 37

Abeg click here to share dis post

Di Ark

1. Bezalel make di ark wit shittim wood, e long reach 45 inches, con wide reach 27 inches, and high reach 27 inches.

2. He cover am wit pure gold, both inside and outside, con put gold borders round am.

3. He make four rings wit gold to carry am, con gum dem join di four legs, wit two rings for one side, and two rings for di oda side.

4. He make poles wit shittim wood, con cover di woods wit gold.

5. He put dem inside di rings for di sides of di ark, to carry di ark.

6. He make mercy chair wit pure gold—wey long reach 45 inches and wey wide reach 27 inches.

7. He make two cherubim wit gold wey dem hammer, for di two ends of di mercy chair (cover of di ark).

8. He make one of di cherub for one end, and di second cherub for di oda end; for di two end nahin he make dem wit one piece of gold.

9. Di feathers of di cherubim face up, con over shadow di ark cover (mercy chair). Di cherubim face each oda, con dey look di mercy chair.

Di Table

10. He use shittim wood take make di table, e long reach 36 inches, con wide reach 18 inches, and e high reach 27 inches.

11. He cover am wit pure gold, con put gold border round di corners.

12. He make rim wey wide reach 3 inches round am, con put gold border round di rim.

13. He make four rings wit gold, con put dem for di four corners for di legs side.

14. He put di rings to hold di poles for carrying di table near di border.

15. He make di poles for carrying di table wit shittim wood, and he cover dem wit gold.

16. And he use pure gold take make di containers wey go dey on top of di table—di plates, cups, jugs, plus di bowls wey dem go use for di drink offering.

Di Lampstad

17. He use pure gold wey dem hammer take make di lampstand—both di bottom, plus di body, di fine flowers, and di part wey dey grow—dem form everitin wit one piece of gold.

18. Six branches come out from e sides, three from one side, and three from di oda side.

19. Everi of di six branches get three flower designs wey get shape like almond flowers wey don dey grow.

20. Di body of di lampstand get four designs wey get shape like almond flower wey don dey grow.

21. One design like almond flower wey don dey grow dey under of everi three sets of two-two branches.

22. Na one piece of gold wey dem hammer he take form di flower wey dey grow, di branches, plus di lampstand.

23. He make seven lamps for di lampstand, and he use pure gold take make di trays plus di lamp-quenchers.

24. He use 34.2 kg of pure gold take make di lampstand and all e tools.

Di Altar of Incense

25. Bezalel use shittim wood take make di altar of incense. Na square wey long reach 18 inches, e wide reach 18 inches, con high reach 36 inches. Na one piece of wood he take make di altar and di horns for di four corners of di altar.

26. He cover di up of am, all di four sides, plus di horns wit pure gold, con put gold border round am.

27. He use gold take make two rings for carrying am, con put dem for under di border of di two sides, to hold di poles wey dem go use take carry am.

28. He use shittim wood take make di poles, con cover dem wit gold.

29. And he make di holy aniointing ororo, plus di pure incense wit spices wey get sweet scent, and wey dem mix like perfume.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website