Leviticus Chapter 12

Abeg click here to share dis post

To Clean Women Afta Dem Born Pikin

  1. Naso Baba-God tell Moses sey,
  2. “Tell di pipo of Israel sey: ‘Woman wey get belle, con born baby boy, dem go clean her body for seven days, just as she no dey clean for di days of her period.
  3. On di eighth day, make una circumcise di boy.
  4. Den di woman must wait for thirty three days to clean from di blood wey dey flow komot from her body. She must no touch anytin wey holy, or enta di holy-place until she finish di days of her cleaning.
  5. If she born baby girl, na for two weeks di woman no go dey clean, as she always dey for di time of her period. Naso she must wait for sixty-six days so dat she go clean kpatakpata.
  6. “Wen di days for di cleaning for her son or daughter don finish, make she carry one year old lamb for burnt offering, and one young pigeon or one dove for sin offering—come meet di priest for front of di door of di worship-place.
  7. Di priest go give dem for Baba-God front, con sacrifice for her sins, and she go dey clean from her flow of blood. Dis na di law for woman wey born pikin, whether na boy or girl.
  8. If she no fit bring lamb, make she bring two doves or two young pigeons, one for burnt offering, and di oda one for sin offering. Naso di priest go take sacrifice for her sins, and she go clean.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website