Numbers

Numbers Chapter 2

Abeg click here to share dis post

Di Arrangement of Di Camp

  1. Naso Baba-God tell Moses and Aaron sey:
  2. “All di pipo of Israel go camp for dia own place, under di flag of dia tribe, and under di flag of dia family—make dem dey far small from di worship-place.
  3. For di east side, from where di sun dey rise, di groups of di camp of Judah go camp under dia own flag. Di leader of di pipo of Judah na Nahshon wey be di son of Amminnadab.”
  4. Di numba of hin army na 74,600.
  5. “Di tribe of Issachar nahin go dey near dem. Dia leader na Nethanel wey be di son of Zuar.
  6. Di numba of hin army na 54,400.
  7. Next na di tribe of Zebulun, and Eliab wey be di son of Helon nahin go be di leader of di tribe of Zebulun.
  8. Di numba of hin army na 57,000.
  9. “So di total numba of di sojas for di side of Judah—for di camp na; 186,400. Na dis three tribes dey lead di road any time wey di pipo of Israel dey move.
  10. “Di groups of Reuben, Simeon, plus Gad—go camp for di south side of di worship-place, under dia family flag. Di leader of di pipo of Reuben na Elizur wey be di son of Shedeur.
  11. And di numba of hin army na 46,500.
  12. Di tribe of Simeon go camp near dem. Di leader of di tribe of Simeon na Shelumiel wey be di son of Zurishaddai.
  13. Di numba of hin army na 59, 300.
  14. “Di tribe of Gad nahin go be next. Di leader of di pipo of Gad na Eliasaph wey be di son of Reuel.
  15. Di numba of hin sojas na 45,650.
  16. Di total numba of sojas for Reuben camp na 151,450. Na dem [di three tribes for di south side] go be di second to move [wen di pipo of Israel dey march out].
  17. Den di worship-place [tent] plus di camp of di Levites go move for di middle of di camp. Dem go move wit di same arrangement wey dem take camp. All of dem for dia own place, under dia own flag.
  18. For di west side nahin di groups of Ephraim go camp under dia flag. Di leader of di tribe of Ephraim go be Elishama wey be di son of Ammihud.
  19. Di numba of hin sojas na 40,500.
  20. Di tribe of Manasseh go dey near dem. Di leader of di tribe of Manasseh go be Gamaliel wey be di son of Pedahzur.
  21. Di total numba of hin sojas na 32,200.
  22. Na di tribe of Benjamin go be next. Di leader of di pipo of Benjamin na Abidan wey be di son of Gideoni.
  23. Di total numba of hin sojas na 35,400.
  24. So di total numba of di sojas wey dey for Ephraim side of di camp na 108,100. Na dis three tribes go be di third for di line, any time wey di pipo of Israel dey move.
  25. Di groups of di sojas of Dan nahin go dey for di north side, under dia own flag. Di leader of di pipo of Dan go be Ahiezer wey be di son of Ammishaddai.”
  26. Di total numba of hin sojas na 62,700.
  27. Di tribe of Asher nahin go camp near dem. Di leader of di tribe of Asher na Pagiel wey be di son of Ocran.
  28. Di numba of hin army na 41,500.
  29. Di tribe of Naphtali nahin go be next. Di leader of di tribe of Naphtali na Ahira wey be di son of Enan.
  30. Di numba of hin army na 53,400.
  31. Di total numba of sojas wey dey for Dan side of di camp na 157,600. Na dem go move last under dia own flag.”
  32. Na dis be di ones wey dem count from dia papa family. Di total numba of those wey dem count for di camps [di men of di camps by dia armies], by dia groups na 603,550.
  33. But dem no count di Levites wit di oda pipo of Israel based-on wetin Baba-God tell Moses.
  34. So di pipo of Israel do everitin wey Baba-God tell Moses. Naso dem set up dia camp based-on dia families and dia papa house, con march under dia own flags—just as Baba-God yarn Moses.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website