Numbers

Numbers Chapter 26

Abeg click here to share dis post

Di Second Census

  1. E con happun sey, afta di disease, Baba-God tell Moses plus Eleazar wey be di son of Aaron di priest—sey,
  2. “Count all di pipo of Israel by dia families—all those pipo wey be twenty years old go up—wey fit serve for di army of Israel.”
  3. So for di smooth-land of Moab, near di River Jordan, near Jericho, Moses plus Eleazar di priest follow dem tok sey,
  4. “Count di men wey be twenty years go up, as Baba-God tell Moses plus all di pikins of Israel.

Na dis be all di pikin of Israel wey komot from Egypt. ”

     Di Tribe Of Reube

5. Di pikin-pikin-pikin of Reuben, wey be di firstborn of Israel na: Hanoch—di Hanochite families; tru Pallu—di Palluite families.

6. Tru Hezron—di Hezronite families; tru Carmi—di Carmite families.

7. Na dis be di families of Reuben; di ones wey dem count na 43,730.

8. Di son of Pallu nahin be Eliab,

9. and di son of Eliab na Nemuel, Dathan, plus Abiram. Di same Dathan and Abiram—nahin be di community leaders wey turn against Moses plus Aaron, and dem dey among Korah followers wen dem turn against Baba-God.

10. Di earth open e mouth con swallow dem along wit Korah, wey hin followers die wen di faya burn di 250 men. And dem con be warning and sign.

11. But di line of Korah no die kpatakpata.

Di Tribe Of Simeo

12. Di sons of Simeon by dia families na: tru Nemuel—Di Nemuel families; tru Jamin—di Jaminite family; tru Jakin—di Jakinites family;

13. Tru Zerah—di family of Zarahites; tru Shaul—di family of di Shaulite.

14. Na dis be di families of Simeon, di ones wey dem count na 22,200.

Di Tribe Of Gad

15. Di sons of Gad—by dia families na: tru Zephin—di Zephonites family; tru Haggi—di Haggites family; tru Shuni—di Shunite family.

16. Tru Ozni—di Oznite family; tru Eri—di Erite family.

17. Tru Arodi—di Arodite family; tru Areli—di Arelite family.

18. Na dis be di families of Gad, Di ones wey dem count na 40,500.

 Di Tribe Of Judah

19. Er and Onan na di sons of Judah, but dem die for Canaan.

20. Di sons of Judah by dia families na: tru Shelah—di Shekanite family; tru Perez—di Perizite family; tru Zerah—di Zerahite family.

21. Di sons of Perez by dia families na: tru Hezron—di Hezronite family; tru Hamul—di Hamulite family.

22. Na dis be di families of Judah; di ones wey dem count na 76,500.

Di Tribe Of Issachar

23. Di sons of Issachar by dia families na: tru Tola—di Tolaite family; tru Puah—di Puite family;

24. Tru Jashub—di Jashubite family; tru Shimron—di Shimronite family.

25. Na dis be di families of Isschar; di ones wey dem count na 64,300.

Di Tribe Of Zebulun

26. Di son of Zebulun by dia families na: tru Sered—di Seredite family; tru Elon—di Elonite family; tru Jahleel, di Jahleelite family.

27. Na dis be di families of Zebulun; di ones wey dem count na 60,500.

Di Tribe Of Manasseh

28. Di sons of Joseph by dia families tru Manasseh plus Ephraim na:

29. Di sons of Manasseh: tru Makir—di Makirite family (Makir na di papa of Gilead); tru Gilead—di Gileadite family;

30. Na dis be di families of Gilead: tru Jeezer—di Jeezerite family; tru Helek—di Helekite family;

31. Tru Asriel—di Asrielite family; tru Shechem—di Shechemite family;

32. Tru Shemida—di Shemidaite family; tru Hepher—di Hepherite family.

33. (Zelophehad na di son of Heopher and he no get any son; na only daughters he get, and dis names na: Mahlah, Noah, 4. Hoglah, Milcah, plus Tirzah.)

34. Na dis be di families of Manasseh. Di ones wey dem count na 52,700.

Di Tribe Of Ephraim

35. Di sons of Ephraim by dia families na; tru Shuthelah—di Shuthelahite family; tru Beker—di Bekerite family; tru Tahan—di Tahanite family.

36. Di sons of Shuthelah na: tru Eran—di Eranite family.

37. Na dis be di families of di sons of Ephraim. Di ones wey dem count na 32,500. Na dis be di sons of Joseph by dia families.

Di Tribe Of Benjamin

38. Di sons of Benjamin by dia families na: tru Bela—di Belaites family; tru Ashbel—di Ashbelite family; tru Ahiram—di Ahiramite family.

39. Tru Shupham—di Shuphamite family; tru Hupham—di Huphamite family.

40. Di sons of Bela na Ard plus Naanan: tru Ard—di Ardite family; tru Naaman—di Naamite family.

41. Na dis be di sons of di Benjamin by dia families, and di ones wey dem count na 45,600.

Di Tribe Of Dan

42. Di sons of Dan by dia families na: tru Shuham—di Shuhamite family. Na dis be di families of Dan:

43. All di families of Shuhamite wey dem count na 64,400.

Di Tribe Of Asher

44. Di sons of Asher by dia families na: tru Jimnah—di Jimnite family; tru Jesui—di Jesuite family; tru Beriah—di Beriites 46. family.

45. And tru di sons of Beriah; tru Heber—di Heberite family; tru Malkiel—di Malkielite family.

46. (Asher get one daughter wey dem dey call Serah.)

47. Na dis be di families of sons of Asher. Di ones wey dem count na 53,400.

Di Tribe Of Naphtal

48. Di sons of Naphtali by dia families na; tru Jahzeel—di Jahzeelites family; tru Guni—di Gunite family.

49.Tru Jezer—di Jezerite family; tru Shillem—di Shillemite family.

50. Na dis be di families of di sons of Naphtali wey dem count. Di ones wey dem count na 45,400.

51. Di total numba of men for Israel na 601,730.

Dem Share Di Land Wit Lot*

52. Baba-God con tell Moses sey,

53. “Divide dis land as dia property based-on di numba of names.

54. Give big land to di tribe wey get plenty pipo, and give small lands to di tribe wey no too get pipo, share di land based-on di numba of pipo.

55. Make sure sey you share di land wit lot*, and give land to dem based-on di names of di tribes of dia papa-papa-papa.

56. Dem go share di land based-on lot between di big and small tribes.”

Di Levites

57. Na dis be di record of di Levites wey dem count based-on dia families: Di Geshonites family wey dem name afta dia papa-papa-papa. Di Kohathite family wey dem name afta dia papa-papa-papa Kohath. Di Merarite family wey dem name afta dia papa-papa-papa Merari.

58. Dis ones sef na di families of di Levites: di family of di Libnites, di family of di Mahlites, di family of di Mushites, di family of di Korathites. Na Kohath born Amram.

59. Di name of Amram wife na Jochebed wey be di daughter of Levi, wey her mama born for Levi for Egypt. She born for Amram; Aaron, Moses, plus Miriam dia sista.

60. Na Aaron be di papa of Nadab plus Abihu, Eleazar and Ithamar.

61. But Nadab plus Abihu die wen dem make offering of faya wey Baba-God no like.

62. Di Levites wey be male from one month old na 23,000. Dem no count dem among di oda pipo of Israel—becos dem no share land give dem among di pipo of Israel.

Only Caleb Plus Joshua Remain

63.Na dis be di ones wey Moses plus Eleazar di priest count.

64. Moses plus Aaron di priest no count one single one of dem—wen dem count di pipo of Israel for di desert of Sinai.

65. Becos Baba-God bin tell dem sey dem must surely die for inside desert; no single one of dem remain apart from Caleb wey be di son of Jephunneh, plus Joshua wey be di son of Nun.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website