Numbers

Numbers Chapter 30

Abeg click here to share dis post

Law About Promise To Baba-God

  1. Moses con tell di leaders of di tribes about di pipo of Israel. He tok sey: “Dis na wetin Baba-God tok sey make we do:
  2. Wen man dey make promise to Baba-God, or he take oath to do sometin, he must no break hin promise, but he must do everitin wey he tok sey he go do.
  3. Wen young woman wey still dey stay for her papa house, make promise to Baba-God, or she take oath to do sometin,
  4. she must do everitin wey she promise unless her papa no gree wen he hear about am.
  5. But if her papa no gree, wen he hear about am, none of her promises or agreement wey she make go count. Baba-God go free her, becos her papa no gree let her keep di promise.
  6. “If woman wey neva marry make promise to Baba-God, whether she do am wit her mind or she just make di promise by mistake, or she promise to keep hersef from sometin—and she con marry,
  7. She must do everitin wey she promise to Baba-God, unless her husband no gree let her wen he hear about am.
  8. But if her husband no gree wen he hear about am, he don cancel di promise, and di promise no go count for her. Naso Baba-God go free her.
  9. Widow or woman wey don divorce must keep everi promise wey dem make to Baba-God.
  10. “If woman wey dey live wit her husband make vow or promise to keep hersef from sometin,
  11. She must do everitin wey she promise or any agreement wey she make—unless her husband no gree wen he hear about am.
  12. But if her husband no gree wen he hear about am, di promise no go count for her, and Baba-God go free her from di promise, becos her husband no gree make she keep di promise.
  13. Her husband fit cancel or confam any promise wey she don tok sey she go keep, or oath wey she make to humble hersef.
  14. But if her husband no tell her anytin about am from day to day, den he don confam all her promise or agreement wey she don make. He don confam am by not saying anytin to her wen he hear about dem.
  15. But if he cancel dem small time afta he hear about dem, den everitin dey for hin head.”
  16. Na dis be di laws wey Baba-God give Moses between man and hin wife, and between papa and hin daughter wey still dey stay for hin house.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website