Numbers

Numbers Chapter 34

Abeg click here to share dis post

Di Borders of Canaan

  1. Baba-God con tell Moses sey,
  2. “Tell di pipo of Israel sey: ‘Wen una enta Canaan wey I dey give una as special property, na dis go be di borders.
  3. Di south side of una kontri go long from di desert of Zin, along di corner of Edom. Di south border go start from di east side of di Dead Sea.
  4. Una border go move from di south side, con climb up of Akrabbim, con kontinu go Zin, for di south of Kadesh-Barnea, and from there e go move go Harzar-addar, con go Azmon.
  5. From Azmon, di border go turn face di River of Egypt, con end for di Mediterranean Sea.
  6. Una border for west go be di water-side of di Great Sea. Na dis go be una border for di west.
  7. Una north border na from Mediterranean Sea reach Mountain Hor,
  8. and from di mountain Hor reach front of Hamath, den una border go reach Zedad,
  9. e go kontinu reach Ziphron, con end for Hazar Enan. Na dis go be una border for di north side.
  10. “For una east border start from Hazar Enan go reach Shepham.
  11. Make di border go from Shepham reach Riblah for di east side of Ain. From there di border go go down reach east side of di Big-river of Chinnereth.
  12. Den di border go move along Jordan, con end for di Salt Sea. Na dis go be una land, wit e border for everi side.’ ”
  13. Moses con tell di pipo of Israel sey: “Dis territory na di land wey una go share among unasef wit lot*. Baba-God don command sey make una divide di land among di nine tribes and half tribes.
  14. Becos di families of di tribe of Reuben, di tribe of Gad, and di half-tribes don receive dia share of land.
  15. Dis two and one half-tribe don receive dia property for di east side of Jordan, near Jericho, for where di sun take dey rise.”

Dem Choose Leader To Share Di Land

16. Baba-God con tell Moses sey,

17. “Na dis be di names of di men wey go share di land for una: Eleazar di priest, plus Joshua wey be di son of Nun.

18. And choose one leader from everi tribe to epp una share di land.

19. Na dia names be dis: Caleb wey be di son of Jephunneh, from di tribe of Judah;

20. Shemuel wey be di son of Ammihud, from di tribe of Simeon.

21. Elidad wey be di son of Kislon, from di tribe of Benjamin.

22. Bukki wey be di son of Jogli, from di tribe of Dan.

23. Hanniel wey be di son of Ephod, di leader from di tribe of Manasseh wey be di son of Joseph;

24. Kemuel wey be di son of Shiphtan, di leader of di tribe of Ephraim wey be di son of Joseph.

25. Elizphan wey be di son of Parnach, di leader of di tribe of Zenulun;

26. Paltiel wey be di son of Azzan, di leader of di tribe of Issachar;

27. Ahihud wey be di son of Shelomi, di leader of di tribe of Asher;

28. Pedahel wey be di son of Ammihud, di leader of di tribe of Naphtali.”

29. Na dis be men wey Baba-God tell to share di land wey he promise di pipo of Israel for di land of Canaan.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website