Numbers

Numbers Chapter 7

Abeg click here to share dis post

Offering of Di Leaders

  1. On di day wen Moses set up di worship-place finish, he anoint am, con bless am as holy place; wit all di properties, plus di altar wit all di tools.
  2. Naso di princes of Israel—di heads of di families—di tribe leaders wey bin dey in charge of di pipo wey dem count—con give dia offering.
  3. Togeda dem bring six big trucks plus twelve malu. One truck for everi two leaders, and one malu for everi leader. Dem carry all dis tins come meet Baba-God for front of Baba-God house.
  4. Baba-God con tell Moses sey,
  5. “Accept dis tins from dem, and use dem for di work of di worship-place. Give dem to di Levites based-on dia work.”
  6. So Moses take di trucks plus di malu, con give dem to di Levites.
  7. He give two trucks plus four malu to di sons of Gershon, based-on dia work.
  8. And he give four trucks plus eight malu to di sons of Merari, based-on dia work. Dem do all dia works under Ithamar wey be di son of Aaron di priest and wey dey lead dem.
  9. But Moses no give di sons of Kohath anytin, becos na dem dey carry di holy tins—for dia shoulder.
  10. Wen dem don anoint di altar, di leaders bring dia offering to bless di new altar, dem con carry am go di altar.
  11. Naso Baba-God tell Moses sey, “Everi day, one leader go bring hin offering for di dedication of di altar.”
  12. Di pesin wey carry hin offering come di first day na Nahshon, wey be di son of Amminadab from di tribe of Judah.
  13. Hin offering na one silver plate wey weigh one and half kilograms, plus one silver bowl wey weight almost one kilogram—based-on di official standard of weight, and dem full wit fine flour wey dem mix wit ororo for seed offering.
  14. One gold spoon wey weigh 0.114 kilogram and wey full wit incense;
  15. One small malu, one ram, plus one male lamb wey be one year old, as burnt offering;
  16. One small he-goat as sin offering;
  17. And for di sacrifice of peace offering—two malu, five rams, five he-goats, and five lamb wey be one year old. Na dis be di offering of Nahshon wey be di son of Amminadab.
  18. On di second day, Nethanel wey be di son of Zuar, di leader of di Issachar—bring hin offering.
  19. Di offering wey he bring na one silver plate wey weigh one and half kilograms, plus one silver bowl wey weight almost one kilogram—based-on di official standard of weight, and dem full wit fine flour wey dem mix wit ororo for seed offering;
  20. One gold spoon wey weigh 0.114 kilogram and wey full wit incense;
  21. One small-malu, one ram and one male lamb wey be one year old—for burnt offering;
  22. One he-goat for sin offering;
  23. Two malu, five rams, five he-goat, and five male lambs wey be one year old, wey dem go sacrifice as peace offering. Na dis be di offering of Nethanel wey be di son of Zuar.
  24. On di third day, Eliab wey be di son of Helon, di leader of di pipo of Zebulun—bring hin offering.
  25. one silver plate wey weigh one and half kilograms, plus one silver bowl wey weight almost one kilograms —based-on di official standard of weight, and dem full wit fine flour wey dem mix wit ororo for seed offering;
  26. One gold spoon wey weigh 0.114 kilogram and wey full wit incense;
  27. One small malu, one ram, and one male lamb wey be one year old—for burnt offering;
  28. One he-goat for sin offering;
  29. And two malu, five rams, five he-goats and five male lambs wey be one year old, wey dem go sacrifice as peace offering. Na dis be di offering of Eliab wey be di son of Helon.
  30. On di fourth day Elizur wey be din son of Shedeur, di leader of di pipo of Reuben bring hin own offering.
  31. Hin offering na one silver plate wey dey weigh one and half kilograms, plus one silver bowl wey weight almost one kilogram—based-on di official standard of weight, and dem full wit fine flour wey dem mix wit ororo for seed offering;
  32. One gold spoon wey weigh 0.114 kilogram and wey full wit incense;
  33. One small malu, one ram, and one male lamb wey be one year old—for burnt offering;
  34. One small he-goat for sin offering.
  35. Plus peace offering of two malu, five rams, five he-goats, plus five male lambs wey be one year old. Na dis be di offering of Elizur wey be di son of Shedeur.
  36. On di fifth day Shelumiel wey be di son of Zurishaddai, di leader of di pipo of Simoen bring hin offering.
  37. Hin offering na one silver plate wey weigh one and half kilograms, plus one silver bowl wey weight almost one kilogram—based-on di official standard of weight, and dem full wit fine flour wey dem mix wit ororo for seed offering;
  38. One gold spoon wey weigh 0.114 kilogram and wey full wit incense;
  39. One small malu, one ram, plus one male lamb wey be one year old, for burnt offering;
  40. One small he-goat for sin offering.
  41. Plus peace offering of two malu, five rams, five he-goats, plus five male lambs wey be one year old. Na dis be di offering of Shelumiel wey be di son of Zurishaddai.
  42. On di sixth day, Eliasaph wey be di son of Deuel, di leader of di pipo of Gad, bring hin offering.
  43. Hin offering na one silver plate wey weigh one and half kilograms, plus one silver bowl wey weigh almost one kilogram—based-on di official standard of weight, and dem full wit fine flour wey dem mix wit ororo for seed offering;
  44. One gold spoon wey weigh 0.114 kilogram and wey full wit incense;
  45. One small malu, one ram, plus one male lamb wey be one year old for burnt offering;
  46. One he-goat for sin offering;
  47. Plus peace offering of two malu, five rams, five he-goats, plus five male lamb wey be one year old. Na dis be di offering of Eliasaph wey be di son of Deuel.
  48. On di seventh day Elishama wey be di son of Ammihud, di leader of di pipo of Ephraim bring hin offering.
  49. Hin offering na one silver plate wey dey weigh one and half kilograms, plus one silver bowl wey weight almost one kilograms —based-on di official standard of weight, and dem full wit fine flour wey dem mix wit ororo for seed offering;
  50. One gold spoon wey weigh 0.114 kilogram and wey full wit incense;
  51. One small-malu, one ram, and one male lamb wey be one year old—for burnt offering;
  52. One small he-goat for sin offering;
  53. And for di sacrifice of peace offering—two malu, five rams, five he-goats, plus five lambs wey be one year old. Na dis be di offering of Elishama wey be di son of Ammihud.
  54. On di eighth day, Gamaliel wey be di son of Pedahzur, di leader of di pipo of Manasseh bring hin offering.
  55. Hin offering na one silver plate wey dey weigh one and half kilograms, plus one silver bowl wey weight almost one kilograms —based-on di official standard of weight, and dem full wit fine flour wey dem mix wit ororo for seed offering;
  56. One gold spoon wey weigh 0.114 kilogram and wey full wit incense;
  57. One small-malu, one ram, and one male lamb wey be one year old—for burnt offering;
  58. One small he-goat for sin offering;
  59. Plus two malu, five rams, five he-goats, and five male lambs wey be one year old, wey dem go sacrifice as peace offering. Na dis be di offering of Gamaliel wey be di son of Pedahzur.
  60. One di ninth day, Abidan wey be di son of Gideoni, di leader of di pipo of Benjamin, bring hin offering.
  61. Hin offering na one silver plate wey dey weigh one and half kilograms, plus one silver bowl wey weight almost one kilograms —based-on di official standard of weight, and dem full wit fine flour wey dem mix wit ororo for seed offering;
  62. One gold spoon wey weigh 0.114 kilogram and wey full wit incense;
  63. One small malu, one ram, and one male lamb wey be one year old—for burnt offering;
  64. One small he-goat for sin offering;
  65. Plus two malu, five rams, five he-goats, and five male lambs wey be one year old—wey dem go sacrifice as peace offering. Na dis be di offering of Abidan wey be di son of Gideoni.
  66. On di tenth day, Ahiezer wey be di son of Ammishaddai, di leader of di pipo of Dan, bring hin offering.
  67. Hin offering na one silver plate wey dey weigh one and half kilogram, plus one silver bowl wey weight almost one kilograms—based-on di official standard of weight, and dem full wit fine flour wey dem mix wit ororo for seed offering;
  68. One gold spoon wey weigh 0.114 kilogram and wey full wit incense;
  69. One small malu, one ram, and one male lamb wey be one year old—for burnt offering;
  70. One small he-goat for sin offering;
  71. Plus two malu, five rams, five he-goats, and five male lambs wey be one year old, wey dem go sacrifice as peace offerings. Na dis be di offering of Ahiezer wey be di son of Ammishaddai.
  72. On di eleventh dey, Pagiel wey be di son of Ocran, di leader of di pipo of Asher bring hin offering.
  73. Hin offering na one silver plate wey dey weigh one and half kilograms, plus one silver bowl wey weight almost one kilogram—based-on di official standard of weight, and dem full wit fine flour wey dem mix wit ororo for seed offering;
  74. One gold spoon wey weigh 0.114 kilogram and wey full wit incense;
  75. One small malu, one ram, and one male lamb wey be one year old—for burnt offering;
  76. One small he-goat for sin offering;
  77. Plus two malu, five rams, five he-goats, and five male lambs wey be one year old, wey dem go sacrifice as peace offering. Na dis be di offering of Pagiel wey be di son of Ocran.
  78. On di twelfth day, Ahira wey be di son of Enan, di leader of di pipo of Naphtali bring hin offering.
  79. Hin offering na one silver plate wey dey weigh about 1.5 kilograms, plus one silver bowl wey weight almost 1kg—based-on di official standard of weight, and dem full wit fine flour wey dem mix wit ororo for seed offering;
  80. One gold spoon wey weigh 0.114 kilogram and wey full wit incense;
  81. One small malu, one ram, and one male lamb wey be one year old—for burnt offering;
  82. One small he-goat for sin offering;
  83. Plus two malu, five rams, five he-goats, and five male lambs wey be one year old, wey dem go sacrifice as peace offering. Na dis be di offering of Ahira wey be di son of Enan.
  84. Na dis be di offerings of di leaders of di pipo of Israel, for di opening ceremony of di altar, on di day wen dem anoint am: twelve silver plate, twelve bowls plus twelve gold spoons.
  85. Everi of di silver plate weigh about 1.5 kg, and everi bowl weigh almost 1kg. All di weight of di silver tins na 27kg based-on di official standard of weight.
  86. Everi single one of di twelve gold spoons wey dem full wit incense weigh 0.11 kg, based-on di official weight for di worship-place. All di gold tins weigh about 1.4kg.
  87. Di whole numba of animals for burnt offering na twelve small malu, twelve rams, and twelve male lambs wey be one year old, togeda wit dia seed offering.
  88. Di whole numba of animals for peace offering na: twenty four malu, sixty rams, sixty he-goats, plus sixty male lamb wey be one year old. Na dis be di dedication offering for di altar afta dem anoint am.
  89. Wen Moses enta di worship-place to follow Baba-God yarn, he hear one voice dey follow am tok from di middle of di two cherubim, on top of di mercy seat (Ark cover), of di Ark of di Agreement. Naso Baba-God follow am tok.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website