Proverbs (Pidgin Bible)

Joshua Chapter 13

Abeg click here to share dis post

Di Land Wey Remaib To Take-over

  1. Wen Joshua don old, and hin years don plenty well-well, Baba-God con tell am sey, “You don old well-well, and e still get big land wey una need to take.”
  2. Na dis be di land wey remain: all di territory of di Philistines plus Geshur:
  3. From Sihor wey dey before Egypt, to di area of Ekron for di north side wey dem count join Canaan: di five Philistines kings; of Gaza, Ashdod, Ashkelon, Gath, plus Ekron, plus even di Avvites;
  4. From di south, all di land of di pipo of Cannan, and Mearah near di Sidonians—far-far go reach Aphek, to di borders of di Amorites.
  5. Di area of di Gebalites, and all di east side of Lebanon, from Baalgad wey dey for under Mountain Hermon—go reach di front of Hamath.
  6. All di pipo wey dey stay for di mountain areas from Lebanon to Misrephothmaim, plus all di Sidonians—na dem I go pursue komot from front of di pipo of Israel. Make sure sey you share dis land for Israel as dia property, as I bin tell you.
  7. So divide dis land as properties among di nine tribes and di half-tribe of Manasseh.”

As Dem Take Divide Di Land Wey Dey For Di East Side of Jordan

6. Di oda half of Manasseh, di pipo of Reuben, plus di pipo of Gad don collect dia land wey Moses give dem for di east side of river Jordan, even as Moses wey be Baba-God servant share for dem.

Na from Aroer wey dey near river Arnon, and di city wey dey for di middle of di river, plus all di smooth-land of Medeba reach Dibon.

Plus all di cities of Sihon, wey di king of Amorites bin dey rule Heshbon—reach di border of di Amonites;

7. Plus Gilead, and di border of di Geshurites and Maachathites, di whole of mountain Hermon, plus di whole of Bashan reach Salcah;

8. di whole kingdom of Og for Bashan, wey bin reign for Ashtaroth plus Edrei [wey be di  last of di  Rephataites wey be giants]. Moses bin scata all dis pipo, con pursue dem komot.

9. But di pipo of Israel no pursue di pipo of Geshur komot and di pipo of Maacah, so dem kontinu to live among di pipo of Israel till today.

10. But he no give di tribe of Levi land, becos di offering wey di pipo of Israel dey make wit faya to Baba-God—di God of Israel—belong to dem, just as Moses bin tell dem.

Di Land Of Reuben

11.But na di land wey Moses give di tribe of Reuben, family by family:

12. Di area na from Aroer, dat na from di corner of di river, plus di city wey dey for di middle of di river, plus all di smooth-land of Medeba;

13. Heshbon and all e cities for di smooth-land, even Dibon, Bamothbaal, and Bethbaalmeon,

14. Jahaz, Kedmoth, plus Mephaath,

25. Kiriathaim, Sibmah, Zerethshahar wey dey for di hill for bottom-of-di-mountain,

16. plus Bethpeor, Ashdothpisgah, and Bethjeshimoth,

17. plus all di cities of di smooth-land, and di whole area of Sihon wey be di king of Amorites—wey bin dey rule Heshbon. Moses bin kill am wit di chiefs of di Midianites; Evi, Rekem, Zur, Hur plus Reba—wey be di chiefs of Sihon wey dey live for dat kontri.

18. To add join those wey dem kill wit sword, di pipo of Israel kill Balaam wey be di son of Beor wey be jazzman.

19. Di boundary of di pipo of Reuben na River Jordan. Na dis be di land of di sons of Reuben—family by family—wit dia cities plus villages.

Di Land Of Gad

20. Dis na di land wey Moses give di tribe of Gad—family by family:

21. Dia area na Jazer, all di cities of Gilead, and half of di pipo of Ammon—go reach Aroer wey dey near Rabbah;

22. And from Heshbon go reach Ramathmizpah,  plus Betonim, and from Mahanaim to di border of Debir;

23. And bottom-of-di-mountain, Bethharam, Bethnimrah, Succoth, plus Zaphon wit di rest of di kingdom of Sihon wey be di king of Heshbon, Jordan and e border, even go reach di corner of Big-river of Chinnereth for di of di oda side of River Jordan wey face di east side.

Dis cities plus dia villages nahin con be di property of di pipo of Gad—family by family.

Di Half Tribe Of Manasseh

  • Dis na di land wey Moses give di half-tribe of Manasseh—family by family.
  • Di area long from Mahanaim, plus di whole of Bashan, di whole area of Og wey be di king of Bashan, all di villages of Jair for inside Bashan, sixty cities;
  • Half of Gilead, plus Ashtaroth and Edrei [wey be di cities of Og for Bashan]. Dis areas na for di sons of Makir wey be di son of Manasseh—di half of di sons of Makir—family by family.
  • Dis na di land wey Moses share as dia property, wen he dey for di smooth-land of Moab for di oda side of River Jordan—for east side of Jericho.
  • But Moses no give di tribe of Levi any land. Baba-God wey be di Oga of Israel nahin be dia own—as he promise dem.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website