Proverbs (Pidgin Bible)

Joshua Chapter 19

Abeg click here to share dis post

Di Share Of Simon

  1. And di second lot fall on Simeon—to di tribes of di pipo of Simeon based-on dia families. And dia land dey inside di land of di pipo of Judah.
  2. Dia share na: Beersheba [or sheba], Moladah,
  3. Hazarshual, Balah, plus Azem,
  4. Eltolad, Bethul, and Hormah,
  5. Ziklag, Bethmarcaboth, plus Hazarsusah.
  6. Bethlebaoth, plus Sharuhen—thirteen cities plus dia villages;
  7. Ain, Rimmon, Ether, plus Ashan—four cities plus dia villages—
  8. plus all di villages around those cities, far go reach Baalathbeer, Ramah for di south. Na dis be di share of di tribe of Simeon—family by family.
  9. Dem take di share of Simeon from inside di share of Judah, becos Judah land big pass wetin dem need. So di pipo of Simeon receive dia share inside di territory of Judah.

      Di Share of Zebulun

10. Di third lot fall on di pipo of Zebulun based-on dia families. Di border of dia land far go reach Sarid.

11. Dia border face up for di big-river [sea], and Maralah, and e reach Dabbasheth, con even reach di river wey dey before Jokneam;

12. E turn go east from Sarid wey face where di sun dey rise—go reach di border of Kislothtabor, con move go Daberath, and e move up go Japhia.

13. E con kontinu go east for Gathhepher plus Ittahkazin; e come out for Remmonmethoar, con turn go Neah.

14. Na for there di border go round for di north to Hannathon, con end for bottom-of-di-mountain wey dem dey call Jiphtahel.

15. Even Kattath, plus Nahalal, Shimron, Idalah plus Bethlehem join sef. Dem be twelve cities plus dia villages.

16. Dis cities plus dia villages nahin be di share of Zebulun—family by family.

Di Share of Issachar

17. Di fouth lot fall on Issachar—for di pipo of Issachar, based-on dia families.

18. Dia area na: Jezreel, Kesulloth, and Shunem,

19. Hapharaim, Shion, plus Anaharath.

20. Rabbith, Kishion, and Ebez.

21. Remeth, Engannim, Enhaddah plus Bethpazzaz.

22. Di border reach Tabor, Shahazumah, plus Beth Shemesh, con end for River Jordan. Dem be sixteen cities plus dia villages.

23. Dis towns plus dia villages nahin be di share of di tribe of Issachar—family by family.

    Di Share of Asher

24. Di fifth lot fall on di tribe of di pipo of Asher, based-on dia families.

25. Dia border na; Helkath, Hali, Beten, Acshaph,

26. Allammelech, Amad, plus Mishal. For di west side, di border reach Carmel, plus Shihorlibnath.

27. E con turn go di eastside  for Beth Dagon, e touch Zebulun and bottom-of-di-mountain wey dem  dey call Jiphtahel, for di north side of Bethemek plus Neiel, e con come out for Cabul for di left,

28. E go Abdon, Rehob, Hammon and Kanah, far-far go reach di Greater Sidon.

29. Di border con turn go Ramah and e go di strong city of Tyre. Naso e turn go Hosah, con end for di Mediterranean Sea, near di area of Achzib,

30. And even Ummah, Aphek plus Rehob. Dem be twenty two cities plus dia villages.

31. Dis towns plus dia villages nahin be di share of di tribe of Asher—family by family.

Di Share of Naphtali

32. Di sixth lot fall on di pipo of Naphtali—based-on dia families.

33. Dia border na from Heleph, from Allon to Zaanannim. E pass tru Adami Nekeb and Janabneel go Lakkum, con end for River Jordan.

34. Di border con turn go di west side tru Aznothtabor, con come out for Hukok. E touch Zebulun for di south, con reach Asher for di west side, and e go reach Judah near River Jordan—for where di sun dey rise.

35. Di cities wey get fence na; Ziddim, Zer, Hammath, Rakkath, plus Kinnereth.

36. And Adamah, Ramah, plus Hazor,

37. Kedesh, Edrei, plus Enhazor.

38. And Iron, Migdalel, Horem, Bethanath, plus Bethshemesh. Dem be nineteen cities plus dia villages.

39. Dis towns plus dia villages nahin be di share of di tribe of Naphtali—family by family.

Di Share of Dan

40. Di seventh lot fall on di pipo of Dan—based-on dia families.

41. Di border of dia share of land na: Zorah, Eshtaol, plus Irshemesh.

42. And Shaalabbin, Aijalon, Ithlah,

43. Elon, Timnah, plus Ekron.

44. And Eltekeh, Gibbethon, Baalath,

45. Jehud, Beneberak, plus Gathrimmon.

46. And Mejarkon, plus Rakkon wit di border before Jopho.

47. Di borders of di pipo of Dan too small for dem, so dem go attack Leshem, dem take-over di place, dem kill di pipo wit sword, con claim di land. Dem settle for Leshem, con call di place Dan—di name of dia ancestor.

48. Di cities plus dia villages nahin con be di share of di tribe of Dan—family by family.

Di Share of Joshua

49. Wen dem don share di land finish as dia property for different areas, di pipo of Israel give Joshua wey be di son of Nun—land among dem,

50. Based-on wetin Baba-God tell dem, dem give am di town wey he ask for—Timnathserah for di mountain of Ephraim. 51. He build di city, con settle down for there.

48. Na dis be di areas wey Eleazar di priest, Joshua wey be di son of Nun, plus di chiefs of di tribal families of Israel—share wit lot, for Shiloh, for front of Baba-God, for di doormot of di worship-place. Naso dem take share di land finish.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website