1st Chronicles

1st Chronicles Chapter 2

Abeg click here to share dis post

Di Family of Israel

  1. Dis na di sons of Israel:Reuben, Simeon, Levi, and Judah; Issachar plus Zebulun;
  2. Dan, Joseph, Benjamin; Naphtali, Gad, plus Asher.

From Judah To David

3. Dis na di sons of Judah: Er, Onan, and Shelah. Na Bathshua born dis three pikin for am, na Canaanite woman. Er, wey be Judah firstborn do evil tin for Baba-God eyes, so Baba-God kill am.

4. Tamar, Judahdaughter-in-law, born Perez plus Zerah for am. All Judah sons na five.

5. Di sons of Perez na: Hezron and Hamul.

6. Dis na di sons of Zerah: Zimri, Ethan, Heman, Kalkol, Dara–all of dem na five.

7. Dis na di sonsof Carmi: Achan,wey make kasala burst for Israel wen he tiff di tins wey Baba-God curse.

8. Dis na di son of Ethan: Azariah.

9. Dis na di sons of Hezron: Jerahmeel, Ram, plus Chelubai.

Di Family of Ram

10. Ram na di papa of Amminadab, and Amminadab na di papa of Nahshon, di chief of di tribe Judah.

11. Nahshon na di papa of Salma,and Salma na di papa of Boaz.

12. Boaz na di papa of Obed, and Obed na di papa of Jesse.

13. Jesse na di papa of  of  Eliab wey  be  hin firstborn; and Abinadab na second, and Shimea na di third,

14. Nethanel na  di fourth, Raddai na di fifth,

15. Ozem na di sixth, David na di seventh.

16. Dia sistas names na Zeruiah plus Abigail. Zeruiah three sons na: Abshai, Joab, plus Asahel.

17. Abigail born Amasa, wey hin papa na Jether from Ishmael.

Di Family of Hezron

18. Caleb wey be di son of Hezron get sons from hin wife Azubah and from Jerioth. Na dis be di sons of Azubah: Jesher, Shobab, plus Ardon.  

19. Wen Azubah kpeme, Caleb marryEphrath, wey con born Hur.

20. Hur born Uri, and Uri born Bezalel.

21. Lata-lata, Hezron make love wit di daughter of Makir, wey be di papa of Gilead. He bin marryher wen he be sixty years.) She born Segub for am.

22. Hezronna di papa of Jair, wey get twenty-three cities for di land of Gilead.

23. Geshur and Syria take-over di towns of; Jair,along wit Kenath and e sixty villages wey dey around am. All dis na di pikin-pikin-pikin of Makir wey be di papa of Gilead.

24. Afta Hezron die for di town of Caleb-Ephrath, Hezron wife Abijah con born Ashhur wey be di papa of Tekoa.

Di Family of  Jerahmeel

25. Dis na di sons of Jerahmeel, Hezron firstborn: Ram, wey be di firstborn, Bunah, Oren, Ozem, plus Ahijah.

26. Jerahmeel get anoda wife wey dem dey call Atarah; she be Onam mama.

27. Dis na di sons of Ram wey be Jerahmeel firstborn; Maaz, Jamin, plus Eker.

28. Dis na di sons of Onam; Shammai plus Jada. Dis na di sons of Shammai: Nadab plus Abishur.

29. Abishur wife na Abihail, wey born Ahban plus Molid.

30. Dis na di sons of Nadab: Seled plus Appaim. (Seled kpeme wit-out any son.)

31. Dis na di son of Appaim: Ishi, wey be di papa of Shephan. Sheshan nahin be di papa of Ahlai.

32. Dis na di sons of Jada wey be Shammai broda: Jether plus Jonathan. (Jether die with-out any son.)

33. Dis na di sons of Jonathan: Peleth plus Zaza. Na all dis be di pikin-pikin-pikin of Jerahmeel.

34. Sheshan no get sons, only daughters. Sheshan get one Egyptian servant wey dem dey call Jarha.

35. Sheshan give  hin daughter to hin servant Jarha as hin wife; she con born Attai.

36. Attai born Nathan, and Nathan born Zabad.

37. Zabad born Ephlal, and Ephlal born Obed.

38. Obed born Jehu, and Jehu born Azariah.

39. Azariah born Helez, and Helez born Eleasah.

40. Eleasah born Sismai, and Sismai born Shallum.

41. Shallum born Jekamiah, and Jekamiah born Elishama.

    Di Family of Caleb

42. Dis na di sons of Caleb, wey be Jerahmeel broda: Hin firstborn na Mesha, wey be di papa of Ziph, and hin second son na Mareshah,wey be di papa of Hebron.

43. Dis na di sons of of Hebron: Korah, Tappuah, Rekem, plus Shema.

44. Shema born Raham wey be di papa of Jorkeam. Rekem con born Shammai.

45. Shammai son na Maon, wey be di papa of Beth-Zur.

46. Caleb side-chick Ephah born Haran, Moza, plus Gazez. Haran con born Gazez.

47. Dis na di sons of Jahdai: Regem, Jotham, Geshan, Pelet, Ephah, plus Shaaph.

48. Caleb side-chick Maacah born Sheber plus Tirhanah.

49. She still born Shaaph wey be di papa of Madmannah, plus Sheva wey be di papa of Machbenah and Gibea. Caleb daughter name na  Achsah.

50. Na all dis be di sons of Caleb wey be di son of Hur—di firstborn of Ephratah: Shobal, wey be di papa of  Kiriathjearim,

51. Salma—wey be di papa of Bethlehem, Hareph—wey be di papa of Beth-Gader.

52. Dis na di sons of Shobal, wey be di papa of Kiriath Jearim; Haroeh plus half of di Manahathites,

53. And di families of Kiriath-jearim na—di Ithrites, Puthites, Shumathites, plus di Mishraites. [Di Zorathites plus Eshtaolites na from dis pipo.]

54. Dis na di sons of Salma:

Bethlehem, di Netophathites, Atroth, di house of Joab, half of di Manahathites, di Zorites,

55. and di families of di writers wey stay for Jabez: di Tirathites, Shimeathites, plus di Sucathites. Na all dis be di Kenites wey be from Hammath, di papa of di house of Rechab.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website