1st Chronicles

1st Chronicles Chapter 5

Abeg click here to share dis post

Di Family of Reuben Family

  1. Dis na di sons of Reuben, wey be di firstborn of Israel–Nahin be di firstborn, but wen he disrespect hin papa bed,dem con transfer hin right as firstborn to di sons of Joseph, Israel son. So dem no name Reuben as firstborn for di family history.
  2. Even though Judah na di strongest among hin brodas and hin pikin-pikin-pikin con be leader, di right of di firstborn belong to Joseph.)
  3. Dis na di sons of Reuben, wey be Israel firstborn: Hanoch, Pallu, Hezron, and Carmi.
  4. Dis na di sons of Joel: Hin son Shemaiah, hin son Gog, hin son Shimei,
  5. hin son Micah, hin son Reaiah, plus hin son Baal,
  6. plus hin son Beerah, wey King Tiglath-pileserof Assyria carry as prisoner. Beerahna di tribe leader of di pipo of Reuben.
  7. Dis na hin brodas by dia families, as dem take write am for dia family history: Dem be di chiefs; Jeiel plus Zechariah,
  8. plus Bela wey be di son of Azaz, di son of Shema, di son of Joel. Dem live for Aroer as far as Nebo plus Baal Meon.
  9. For di east side, dem settle down as far as di front of di desert, from River Euphrates, becos dia malu burku well-well for di land of Gilead.
  10. For di time of Saul, dem attack di Hagrites con kill dem. Dem take over dia territory for di whole east side of Gilead.

Di Family of Gad

11. Di pipo of Gad dey stay near dem for di land of Bashan, as far-far go reach Salcah.

12. Dem be; Joel di chief, Shapham wey be di second, Janai, plus Shaphat for Bashan.

13. Dis na dia family-pipo from dia papa house; Michael, Meshullam, Sheba, Jorai, Jacan, Zia, plus Eber—all of dem na seven.

14. All dis na di sons of Abihail—di son of Huri, di son of Jaroah, di son of Gilead, di son of Michael, di son of Jeshishai, di son of Jahdo, di son of Buz.

15. Ahi wey be di son of Abdiel, di son of Guni, na dem be di leader of di family.

16. Di pipo of Gad live for Gilead, for inside Bashan and e towns wey dey around, and for di farmland of Sharon reach dia borders.

17. Dem write all dia names for di family history for di time of King Jotham of Judah, and for di time of King Jeroboam of Israel.

18. Di sons of  Reuben, Gad, plus  di half-tribe of Manasseh get 44,760 men for dia armies wen you count dem togeda, fighters wey dey carry shields plus swords, dem get bows, and dem train for war.

19. Dem attack di Hagrites, Jetur, Naphish, plus Nodab.

20. Dem cry to Baba-God as dem dey fight, and Baba-God epp dem fight against dia enemies, and di Hagrites plus all di pipo wey dey wit dem fall enta dia hands. Baba-God ansa dia prayers becos dem trust am.

21. Naso dem gbab dia enemies animlas; 50,000 camels, 250,000 sheep, plus 2,000 donkeys. Dem still catch 100,000 men.

22. Becos Baba-God fight for dem,dem kill many of di enemy. Dem pursue di Hagrites con stay for dia land until dem carry dem go foreign land as prisoners (di Assyrians nahin carry dem komot).

Di Half-Tribe of Manasseh

23. Di half-tribe of Manasseh settle for di land. Dem con dey plenty from Bashan far go reach Baal Hermon, Senir, plus Mountain Hermon.

24. Dis na di chiefs of dia families: Epher, Ishi, Eliel, Azriel, Jeremiah, Hodaviah, plus Jahdiel. Dem sabi fight well-well, dem be men wey get levels,and leaders of dia families.

25. But dem no dey faithful to di God of dia papa-papa-papa, insteaddem con dey do like ashawo by worshipping di gods of di pipo of di landwey Baba-God bin scata from dia front.

26. So di God of Israel ginger King Pul of Assyria plus King Tiglath- pileser of Assyria),and he carry di pipo of Gad as slaves, wit di half-tribe of Manasseh. He carry dem go Hala, Habor, Hara and to di river of Gozan—na there dem dey till today.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website