1st Chronicles

1st Chronicles Chapter 18

Abeg click here to share dis post

As David Take Win For Wars

  1. Afta dis, e con happun sey David beat di Philistines and he control dem, and he collect Gath plus di villages wey dey around am—from di Philistines.
  2. David still beat di pipo of Moab, and dem con turn to hin servants and dem pay homage to am.
  3. David still fight Hadadezer wey be di king of Zobah, far go reach Hamath, wen he go stand hin govment around River Euphrates.
  4. David catch one thousasnd of hin horse-moto, seven thousand horse-riders, plus twenty-thousand sojas for ground. He keep enuff horses for hundred horse-moto, con cripple di rest of dem.
  5. Wen di Syrians of Damascus come epp Hadadezer wey be di king of Zobah, David kill twenty-two thousand of dem.
  6. He put military camps for Syria and Damascus, naso dem con dey serve am, and dem pay tax to am. Baba-God protect David any where he go.
  7. David collect di gold shield wey di officers of Hadadezer dey carry, and he carry dem come Jerusalem.
  8. Evensef David collect plenty bronze from Tebah and Cun—towns wey belong to Hadadezer—and Solomon use am take make one big bronze basin wey dem dey call di ‘Sea’, di pillars, and di bronze tools for Baba-God house.
  9. Wen Tou wey be di king of Hamth hear sey David don kill all di sojas of Hadadezer wey be di king of Zobah,
  10. he send hin son Hadoram go meet king David to greet am and tell am congratulobia as he win Hadadezer wey don bin dey fight Tou. Hadoram bring different-different type of tins wey dem make wit bronze, silver plus gold.
  11. King David give all dis tins to Baba-God, just as he bin do wit di silver plus gold wey he collect from all dis nations: from Edom, Moab, di Ammonites plus di Philistines and Amalek.
  12. Evensef, Abishai wey be di son of Zeruiah kill eighteen thousand Edomites for bottom-of-di-mountain wey dem dey call Salt.
  13. He put military camps for di whole of Edom, and di pipo for Edom turn to David servants. Naso Baba-God guard David any where he go.

David Officials

14. David rule over all Israel, he do tins wit hin church-mind and he do wetin dey right and justice to all hin pipo.

15. Joab wey be di son of Zeruiah nahin dey control di army; Jehoshaphat wey be di son of Ahilud dey in charge of records.

16. Zadock wey be di son of Ahitub plus Ahimelech wey be di son of Abiathar na di priests; Shavsha na di writer.

17. Benaiah wey be di son of Jehoiada nahin dey control di Kerethites plus di Pelethites (David bodyguards), and David sons na chief officials for David side.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website