1st Chronicles

1st Chronicles Chapter 27

Abeg click here to share dis post

    Leaders of Di Army

  1. Na dis be di numbas of di pipo of Israel, family leaders, commanders of thousands, commanders of hundreds, plus dia officers wey dey serve di king for everi mata about di military groups. Everi group serve for one month of di year; everi group get 24,000 men.
  2. Jashobeam wey be di son of Zabdiel nahin dey in charge of di first group, wey dey in charge of di  first month. Hin group get 24,000 men.
  3. Jashobeam na di pikin-pikn-pikin of Perez and nahin dey in charge of all di army officers for di first month.
  4. Dodai wey be Ahohite nahin dey in charge of di group wey dey in charge of di second month; Mikloth nahin dey next for rank.Hin group na 24,000 men.
  5. Di third army captain wey dey in charge of di third month, na Benaiah wey be di son of Jehoiada di chief priest. Nahin be di leader of hin group, wey get 24,000 men.
  6. Na dis be dat Benaiah wey be strong warrior among di military group wey dem dey call ‘The Thirty.’ And he even get levels pass dem. Hin son Ammizabad nahin be di chief officer of hin group.
  7. Di fourth captain wey dey in charge of di fourth month, na Asahel, wey be Joab broda; hin son Zebadiah na next for rank. Hin group get 24,000 men.
  8. Di fifth captain wey dey in charge of di fifth month na Shamhuth, wey be Izrahite. Hin group get 24,000 men.
  9. Di sixth captain wey dey in charge of di sixth month na Ira, wey be di son of Ikkesh di Tekoite. Hin group get of 24,000 men.
  10. Di seventh captain for di seventh month, na Helez di Pelonite from Ephraim. Hin group get 24,000 men.
  11. Di eighth captain for di eighth month, na Sibbekai di Hushathite, na Zerahite. Hin group get 24,000 men.
  12. Di ninth captain wey dey in charge of di ninth month na Abiezer di Anathothite, and na from Benjamin. Hin group get 24,000 men.
  13. Di tenth captain, wey dey in charge of di tenth month na Maharai di Netophathite from di Zerahite. Hin group get 24,000 men.
  14. Di eleventh captain wey dey in charge of di eleventh month, na Benaiah di Pirathonite, na from Ephraim. Hin group get 24,000 men.
  15. Di twelfth captain wey dey in charge of di twelfth month, na Heldai di Netophathite, na from di family of Othniel. Hin group get 24,000 men.
  16. Di officers of di tribes of Israel na: Eliezer wey be di son of Zikri na di leader of di pipo of Reuben. Shephatiah wey be di son of Maacah nahin dey lead di pipo of Simeon.
  17. Hashabiah wey be di son of Kemuel nahin dey lead di Levites. Zadok nahin dey lead di pipo of Aaron.
  18. Elihu wey be David broda nahin dey lead Judah. Omri wey be di son of Michael nahin dey lead Issachar.
  19. Ishmaiah wey be di son of Obadiah nahin dey lead Zebulun. Jerimoth wey be di son of Azriel nahin dey lead Naphtali.
  20. Hoshea wey be di son of Azaziah nahin dey lead di pipo of Ephraim. Joel wey be di son of Pedaiah nahin dey lead di half-tribe of Manasseh.
  21. Iddo wey be di son of Zechariah nahin dey lead di half-tribe of Manasseh for Gilead. Jaasiel wey be di son of Abner nahin dey lead Benjamin.
  22. Azarel wey be di son of Jeroham nahin dey lead Dan. Na all dis ones be di princes of di tribes of Israel.
  23. David no count di men from twenty years go down, becos Baba-God bin promise to make di pipo of Israel plenty well-well like di stars wey dey for sky.
  24. Joab wey be di son of Zeruiah start to count di  men, but he no finish becos Baba-God con dey vex wit Israelbecos of dis, so dem no write di numba for inside di book of di History of King David.

     Palace Officials

25. Azmaveth wey be di son of Adiel nahin dey in charge of di stores wey dem dey keep beta-beta-tins for di palace. Jonathan wey be di son of Uzziah nahin dey in charge of di store-houses for di field, for inside di cities, for inside di villages, plus di stores wey dey for inside di strong-houses.

26. Ezri wey be di son of Kelub nahin dey in charge of di workers for di king farm.

27. Shimei di Ramathite nahin dey in charge of di grape-farms. Zabdi di Shiphmite nahin dey in charge of di grapes and keeping di wine.

28. Baal-Hanan di Gederite nahin dey in charge of di olive tree plus sycamore trees—for di lowlands. Joash nahin dey  in charge of di stores for keeping ororo.

29. Shitrai di Sharonite nahin dey in charge of taking care of di malu wey dey chop grass for Sharon. Shaphat wey be di son of Adlai nahin dey in charge of di malu for bottom-of-di-mountains.

30. Obil di Ishmaelite nahin dey in charge of di camels. Jehdeiah di Meronothite nahin dey in charge of di donkeys.

31. Jaziz di Hagrite nahin dey in charge of di sheep plus goats. All dis ones nahin be officials wey dey in charge of King David property.

32. Jonathan, wey be David uncle na wise adviser and writer. Jehiel wey be di son of Hacmoni nahin dey take care ofdi king sons.

33. Ahithophel nahin be di king adviser. Hushai di Arkite nahin be di king correct padi.

34. Afta Ahithophel die, Jehoiada wey be di son of Benaiah—con be di king adviser, and lata Abiathar con be adviser. Na Joab be di general of di king army.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website