2nd Chronicles

2nd Chronicles Chapter 27

Abeg click here to share dis post

   Jotham As King For Judah

  1. Jotham na twenty-five years old wen he climb di king-chair, and he be king for sixteen years for Jerusalem. Hin mama name na Jerusha, wey be di daughter of Zadok.
  2. He do di correct tins for Baba-God eyes, just as hin papa Uzziah bin do. [But he no gree enta inside Baba-God house.] But di pipo still kontinu to dey do bad-bad-tins.
  3. He build di High Gate of Baba-God house, and he do plenty work for di wall, for one area wey dem dey call Ophel.
  4. Evensef, he build cities for di mountains of Judah, and he build strong-houses, plus tall-houses for di forest areas.
  5. He fight against di king of di Ammonites, and he win dem. Dat year, di pipo of Ammon pay am 3.4 tons of silver, 1,000 tons of wheat, and 1,000 tons of barley. Di pipo of Ammon still pay dis same amount of tax for di next two years.
  6. Jotham con get pawa well-well, becos he set hin mind to follow di ways of Baba-God hin Oga.
  7. As for di rest of di tins wey happun wen Jotham be king, even all di wars wey he fight, plus all di tins wey he do, dem write dem for di Book of di  kings of Israel plus Judah.
  8. He be twenty-five years wen he climb di king-chair, and he be king for sixteen years for Jerusalem.
  9. Jotham die las-las, and dem bury am for di City of David. Hin son Ahaz con take hin place as king.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website