2nd Chronicles

2nd Chronicles Chapter 3

Abeg click here to share dis post

Di Building of Baba-God House

  1. Solomon start di building of Baba-God house for Jerusalem for di Mountain of Moriah, where Baba-God bin show-face to hin papa David. Na dis be di place wey David arrange for di harvest ground of Ornan di Jebusite.
  2. He start di building work—on di second day of di second month, of di fourth year as he be king.

Di Design plus Materials

3. Solomon lay di foundation for God house; e long reach [based-on di old standard of measurement] 90 feet, and e wide reach 30 feet.

4. Di room for front, wey dem take dey enta Baba-God house—wide reach 30 feet, di same wideness of di house, and e high reach 30 feet. He cover di inside wit pure gold.

5. He cover di main hall wit boards wey dem make wit fir trees, and he cover am wit fine gold, and dem design dem wit palm trees and chains.

6. He design di worship-place wit fine-fine-stones; di gold wey he use na from Parvaim.

7. He cover di woods for di ceiling of Baba-God house wit gold, and even di doormot, di walls plus doors; and he carve cherubim for di walls.

8. He make di most holy place; e long reach 30 feet, just as di worship place wide reach, and e long reach reach 30 feet. He cover di inside wit 23 tons of fine gold.

9. Di gold nails weigh 0.57 kg of gold; he still cover di rooms wey dey for up—wit gold.

10. For di most holy place, he make two images of cherubim, con cover dem  wit gold.

Di Cherubim

11. Di feathers of di two cherubim long reach 30 feet. One of di cherub feathers long reach 7 ½ feet, and e touch di wall for one side of di house; di oda feather still long reach 7 ½ feet, and e touch di second cherub feather.

12. Naso di oda cherub feathers be sef. E long reach 7 ½ feet, and e touch di oda wall of di house; e oda feather still long reach 7 ½ feet, and e touch di first  cherub feather.

13. Di feathers of di two cherubim long reach 30 feet. Dem stand straight, and  dem face inside.

Di Curtians Plus Di Pillars

14. He make di curtain wit blue, purple, red thread, wit fine linen, and dem weave cherubim on top.

15. He make two pillars for front of Baba-God house, everi one of dem tall reach 27 feet, and dem get cap-of-pillars wey long reach 7 ½ feet.

16. He weave chains [like necklace] for di room wey dey for inside, and he put dem on top of di pillars. He still make one hundred pomegranate design, and he join dem to di chains.

17. He set up di pillars for front of Baba-God house, one for di right side and di oda one for di left. He name di one for di right, ‘Jachin,’ and di one for di left side na, ‘Boaz.’

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website