Ezra Chapter 10

Abeg click here to share dis post

About Mix-marriage Wey No Good

  1. As Ezra dey pray and dey confess, dey cry, and dey throw hinsef for ground for Baba-God house, plenty-penty pipo of Israel—men plus women gada round am. Dem sef con dey cry well-well.
  2. Naso Shecaniah wey be di son of Jehiel, one of di pikin-pikin-pikin of Elam, con tell Ezra sey, “We don turn komot from awa God, and we don marry foreign women from di pipo of di land wey dey around us. But upon all dis tin, hope still dey for Israel.
  3. Now make we make agreement wit awa God to pursue all dis women wit dia pikin, based-on di advice of my oga and those pipo wey dey fear di law of Baba-God. Make dem do am based-on di Law.
  4. Stand up, dis mata dey for una hands. We go support una, so make una get mind to go am.”
  5. So Ezra stand up, con make di chief priests, plus Levites, and all di pipo of Israel, to swear sey dem go do wetin dem don advice. Naso dem swear.
  6. Den Ezra komot from Baba-God house, con go Jehohanan room—wey be di son of Eliahshib. Wen he dey for there, he no chop any food or drink water, becos he kontinu to feel sad becos of how di pipo wey dem carry go foreign land don turn komot from Baba-God.
  7. So he send message to di whole Jerusalem plus Judah, sey make all those pipo wey come back from foreign land meet for Jerusalem.
  8. Any pesin wey no gree show-face within three days go lose all hin properties, based-on di decision of di officials plus di senior-men, and dem go pursue am komot from di pipo wey come back from foreign land.
  9. Within three days, all di men of Judah plus Benjamin gada for Jerusalem. And on di twentieth day of di ninth month, all di pipo con dey sidon for di street of Baba-God house. Serious rain dey fall and becos of di mata—everi pesin con dey shake.
  10. Naso Ezra di priest stand up, con tell dem sey, “Una don turn komot from Baba-God, una don marry foreign women to add-join di sins of Israel.
  11. Now make una confess to Baba-God, di God of una papa-papa-papa [ancestors], con do wetin he want. Separate unasef from di pipo of di land wey dey around una, and from una foreign wives.”
  12. All di pipo wey gada con ansa wit loud voice: “We must do wetin you tok.
  13. But plenty pipo dey for here and rain dey fall well-well; so we no fit stand for outside. Apart from dat, we no fit handle dis mata in one or two days, becos na plenty of us don turn komot from Baba-God.
  14. Make awa leaders stand for di pipo. And make everi pesin wey get foreign wife come for time wey dem choose, togeda wit di leaders plus di judges of hin cities—until Baba-God stop to dey vex for us seriously, becos of dis mata.”
  15. Only Jonathan wey be di son of Asahel, plus Jahzeiah wey be di son of Tikvah nahin con dey against dis mata, and Meshullam plus Shabbethai wey be Levite support dem.
  16. Di pipo wey enemies bin catch go foreign land con follow di plan, so Ezra wey be di priest choose men from among di heads of di families and dem write dia names. On di first day of di tent month, dem start to dey torch-light di mata.
  17. And by di first day of di first month, dem deal wit all di men finish—wey don marry foreign women.

Dem Komot Dia Foreign Wives

18. Among di pikin-pikin-pikin of di priests, dis pipo marry foreign women: From di family of Jeshua wey be di son of Jozadak, and hin brodas: Maaseiah, Eliezer, Jarib plus Gedaliah.

19. (All of dem put dia hand to confam di agreement sey dem go pursue dia foreign wives, and everi single one of dem bring one-one ram for dia sin.

20. From di family of Immer: Hanani plus Zebadiah.

21. From di sons of Harim: Maaseiah, Ishmael, Nathanel, Jozabad and Elasah.

22. From di sons of Pashhur: Elioenai, Maaseiah, Ishmael, Nethanel, Jozabad plus Elasah.

23. Among di Levites: Jozabad, Shimei, Kelaiah (wey be Kelita), Pethahiah, Judah plus Eliezer.

24. From di singers: Eliashib. From di guards: Shallum, Telem plus Uri.

25. And among oda pipo of Israel: From di family of Parosh: Ramiah, Izziah, Malkijah, Mijamin, Eleazar plus Benaiah.

26. From di family of Elam: Mattaniah, Zechariah, Jehiel, Abdi, Jeremoth plus Elijah.

27. From di family of of Zattu: Elioenai, Eloashib, Mattaniah, Jeremoth, Zabad, plus Aiza.

28. From di family of of Babai: Jehohanan, Hananiah, Zabbai plus Aziza.

29. From di family of Bani: Meshullam, Malluch, Adaiah, Jashub, Sheal, plus Ramoth.

30. From di family of Pahath-moab: Adna, Kelal, Benaiah, Maaseiah, Mattaniah, Bezalel, Binnui, plus Manasseh.

31. From di sons of Harim: Eliezar, Ishijah, Malkijah, Shemaiah, plus Shimeon,

32. And Benjamin, Malluch plus Shemariah.

33. From di family of Hashum: Mattenai, Mattattah, Zabad, Eliphelet, Jeremiah, Manasseh, plus Shimei.

34. From di family of Bani: Maadai, Amram, and Uel,

35. Benaiah, Bedeiah, Keluhi,

36. Vaniah, Meremoth, Eliashib,

37. Mattaniah, Mattenai, plus Jaasu,

38. And Bani, Binnui, plus Shimei,

39. And Shelemiah, Nathan, Adaiah,

40. Macnadebai, Shashai, Sharai,

41. Azarel, Shelemiah, Shemariah,

42. Shallum, Amariah plus Joseph.

43. From di family of Nebo: Jeiel, Mattithiah, Zabad, Zebina, Jadau, Joel, and Benaiah.

44. All dis pipo marry foreign women, and some of dem get pikin wit dis women.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website