Nehemiah Chapter 12

Abeg click here to share dis post

Priests plus Levites

  1. Na all dis be di priest plus di Levites wey come back wit Zerubbabel wey be di son of Sheatiel, and wit Jeshua: Seraiah, Jeremiah, Ezra,
  2. Amariah, Malluch, Hattush,
  3. Shecaniah, Rehum, Meremoth,
  4. Iddo, Ginnethon, Abijah,
  5. Mijamin, Moadiah, Bilgah,
  6. Shemaiah, Joiarib, Jedaiah,
  7. Sallu, Amok, Hilkiah, plus Jedaiah. Na dis be all di leaders of di priests plus all dia brodas for di days of Jeshua.
  8. Di Levites na: Jeshua, Binnui, Kadmiel, Sherebiah, Judah, plus Mattaniah—dem and dia brodas bin dey in charge of di songs of tanksgiving.
  9. Bakbukiah plus Unni, dia brodas—dey stand opposite dem for di service.
  10. And Jeshua nahin be di papa of Joiakim, Joiakim nahin be di papa of Eliashib, Eliashib nahin be di papa of Joiada,
  11. Joiada nahin be di papa of Jonathan, and Jonathan nahin be di papa of Juddua.
  12. For di days of Joiakim, di leaders of di families of di priests na: From di family of Seriah—Meraiah. From di family of Jeremiah—Hananiah.
  13. From Ezra family—Meshullam; from di family of Amariah—Jehohanan;
  14. From di family of Malluch—Jonathan; from di family of Shebaniah—Joseph.
  15. From di family of Harim—Adna; from di family of Meremoth—Helkai;
  16. From di family of Iddo—Zechariah; from di family of Ginnethon—Meshullam;
  17. Zichri na di leader of di family of Abijah; di family of Miniamin dem get leader sef. From di family of Moadiah—Piltai.
  18. From di family of Bilgah—Shammua; from di family of Shemaiah—Jehonathan;
  19. From di family of Joiarib—Mattenai; from di family of Jedaiah—Uzzi;
  20. From di family of Sallus—Kallai.
  21. From di family of Hilkiah—Hashabiah; from di family of Jediah—Nethaneel.
  22. Dem keep record of di family leaders of di Levites, for di years wen Eliashib, Joiada, Johanan and Jaddua serve as high priests. Dem keep anoda record of di priests wen Darius di Persian—be king.
  23. Dem write about di heads of di families of di Levites for di books of history, reach di days of days of Johanan wey be di son of Eliashib.
  24.  Na dis be di family leaders of di Levites: Hashabiah, Sherebiah, Jeshua wey be di son of Kadmiel, plus di brodas wey stand opposite to praise and give tanks, as one group dey sing, and odas opposite dem dey ansa wit dia voice, just as David di man of God bin tell dem to do.
  25. Mattaniah, Bakbukiah, Obadiah, Meshullam, Talmon and Akkub na guards wey dey guard di storerooms for di gates.
  26. Dem serve for di days of Joiakim wey be di son of Jeshua, di son of Jozadak, and for di days of Nehemiah di govnor, and di days of Ezra wey be priest and writer wey sabi di law.

Dem Bless Di Wall of Jerusalem

27. Wen dem dey bless di wall of Jerusalem, dem carry di Levites from everi where wey dem dey stay come Jerusalem to celebrate di dedication wit happiness—wit songs of tanksgiving and wit (music instruments) music cymbals, harp plus lyres.

28. Di sons of di singers gada demsef togeda from di areas around Jerusalem, and from di villages of di Netophathites,

29. Even from di house of Gilgal, and from di area of Geba and Azmaveth, becos di singers don build villages for demsef around Jerusalem.

30. Wen di priests plus di Levites don do ritual to make demsef pure, wit di pipo, di gates, plus di wall of di city,

31. Naso I gada di leaders of Judah for on top of di wall, and I choose two big groups (kwaya) wey go march go di right side on top of di wall—near di Dustbin gate.

32. Hoshaiah plus half of di leaders of Judah follow dem,

33. Along wit Azariah, Ezra, Meshullam,

34. Judah, Benjamin, Shemaiah, Jeremiah,

35. Plus some of di priests wit trumpets; Zechariah wey be di son of Jonathan, di son of Shemaiah, di son of Mattaniah, di son of Micaiah, di son of Zaccur, di son of Asaph;

36. and hin brodas—Shemaiah, Azarel, Milalai, Gilalai, Maai, Nethaneel, Judah plus Hanani—wit musical instruments wey David di man of God tell dem to use. Ezra wey be writer lead dis group for di movement.

37. For di gate of di water wey dey flow—wey dey for dia front, dem climb up di steps of di City of David, for di steps of di wall, on top of David house, far-far go reach di Water gate wey dey for di east side.

38. Di second kwaya follow for di opposite side. I follow dem on top of di wall, togeda wit half of di pipo—we pass di Tall-building of Ovens, go reach di Wide Wall,

39. Naso we pass di Ephraim gate, and on top of di old Gate, di Fish Gate, di tall-house of Hananel, plus di Tall-house of Meah, even go reach di Sheep Gate—and dem stop for di prison gate.

40. Di two kwaya wey dey give tanks con take dia position inside Baba-God house, even me sef, togeda wit half of di rulers,

41. Plus di priest—Eliakim, Maaseiah, Miniamin, Micaiah, Elioenai, Zechariah plus Hananaiah wit dia trumpets;

42. and Maaseiah, Shemaiah, Eleazar, Uzzi, Jehohanan, Malkijah, Elam plus Ezer. Naso di singers con dey sing wit loud voice as Jezrahiah dey lead dem.

43. And on dat day, dem offer big sacrifice, con dey happy, becos Baba-God don give dem serious happiness. Dia wives plus dia pikin happy sef—sote pipo hear di sound of celebration far-far from Jerusalem.

44. For dat time, dem choose men to dey in charge of di storerooms for di contributions, firstfruits plus tithes. Dem suppose bring di portion wey belong to di priests plus di Levites from di farms around di towns come di store-rooms—as di Law tok about di priests and Levites. Becos all di pipo of Judah con dey happy for di priests plus di Levites for dia work.

45. Both di singers sef plus di guards do di service of dia God, and di service of cleaning, just as David and hin pikin Solomon—bin tell dem to do.

46. Becos tey-tey, for di days of David plus Asaph, kwaya masters bin dey for di singers and songs of praise plus tanksgiving to Baba-God.

47. So for di days of Zerubbabel and Nehemiah, di whole Israel contribute everi day, for di food (holy tins) wey di singers and di guards go chop. Dem still keep di portions of di oda Levites, and di Levites keep di portion of di pikin-pikin-pikin of Aaron.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website