Psalm (Pidgin Bible)

Psalm Chapter 3

Abeg click here to share dis post

Prayer For Morning

  1. Dis na Psalm of David—wen he dey run
    from hin pikin—Absalom. Baba-God, see as
    di pipo wey dey give me palava dey plenty
    more- more. Many of dem wan change-am-for me!
  2. Many of dem dey tok about me sey,
    “Baba-God no go fit epp am.”
  3. But na you dey guard round me, na you
    dey give me levels, na you dey carry my head
    go up.
  4. I cry to Baba-God wit my voice, and he
    ansa me from hin holy hill.
  5. I lie down—con sleep; I wake up again,
    becos Baba-God dey keep me alive.
  6. I no go fear di ten thousands pipo wey
    wan fight me—from everi corner.
  7. Oh Baba-God arise! Save me, oh my
    God. You don nack all my enemies for jaw;
    you don break wicked pipo teeth.
  8. Na Baba-God dey save pesin. Make your
    alubarika [blessings] dey on your pipo.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website