Psalm (Pidgin Bible)

Psalm Chapter 11

Abeg click here to share dis post

To Dey Trust Baba-God

  1. For di producer of music. Dis na Psalm
    of David. I trust Baba-God. How you go con
    tell my soul sey: “Fly like bird to
    mountain—so dat you go dey safe!
  2. See, wicked pipo dey arrange dia
    weapon; dem dey set dia bow and arrow
    codedly—to shoot pipo wey get clean-hand
    for dia heart.
  3. If di foundations don kpafuka, wetin
    good pipo fit do?”
  4. Baba-God dey inside hin holy worship-place; Baba-God king-chair dey for heaven.
    Hin eyes dey see and dey observe everi-pesin.
  5. Baba-God dey test good pipo, but hin
    soul hate wicked pipo, and those pipo wey
    like to shed blood.
  6. Like rain, he go pour hot red coal for
    wicked pipo head, plus sulfur wey dey burn,
    plus breeze wey dey burn nahin go be di
    portion of dia cup.
  7. Baba-God good, he like di right tins;
    men wey get clean- hand—go see hin face.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website