Psalm (Pidgin Bible)

Psalm Chapter 12

Abeg click here to share dis post

Abeg Epp Me Baba-God

  1. For di producer of music. Play dis music
    wit harp wey get eight strings. Dis na Psalm
    of David. Epp, Baba-God, good men no dey
    again; faithful pipo don vanish from dis
    world.
  2. Everi-pesin dey lie to hin neighbour;
    dem get sweet-mouth, but dia heart na
    wayo.
  3. Make Baba-God cut everi sweet-mouth
    komot, and everi tongue wey dey buga,
  4. wey tok sey, “We go win wit awa mouth,
    na we get awa mouth, who be Baba-God for
    where we dey?”
  5. Baba-God con ansa dem, “Becos of di
    oppression of poor pipo, and di cry of pipo
    wey need epp, I go stand up now-now-now,
    I go give dem di protection wey he dey
    fyne.”
  6. And Baba-God word dey very pure. Like
    silver wey dem process for faya — to make
    am pure—seven times.
  7. Oh Baba-God, you go protect us, and
    defend us from di wickedness of dis
    generation—forever.
  8. Wicked pipo dey waka upandan to do
    evil tin, wen pipo dey promote evil tins

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website