Psalm (Pidgin Bible)

Psalm Chapter 5

Abeg click here to share dis post

Dis Na PrayerForProtection

  1. For di chief music producer. Dis na
    Psalm of David. Wit flute. Listen to my
    words, Oh Baba-God, reason my meditation.
  2. Listen to my cry for epp, my King and
    my God, na you I dey pray to.
  3. For morning, Oh Baba-God, you dey
    hear my voice; for morning I go face you wit
    my prayer, and I go look up.
  4. You no be God wey like wickedness; evil
    no-fit stay around you.
  5. Pipo wey dey make-mouth no- fit stand
    for your front, you hate all di pipo wey dey
    do evil tins.
  6. You go scata all those pipo wey dey tok
    lie. Baba-God hate pipo wey dey shed blood,
    plus wayo pipo.
  7. But as for me, I go enta inside your house
    wit your mercy wey yanfu-yanfu; I go bow
    down wit fear for your holy worship-place.
  8. Chai Baba-God, lead me for inside your
    correct way, becos of my enemies—make
    your way straight for my face.
  9. Faithfulness no dey for dia mouth. Scata￾scata nahin dey inside dem. Dia throat be like
    grave wey open down; dem dey whyne pesin
    wit dia tongue.
  10. Chai Baba-God, scata dem! Make dia
    own plan fall dia hand. Pursue dem komot
    becos of dia sins wey burku, and becos dem
    don change-am-for you.
  11. But make all those pipo wey trust you
    happy; make dem always dey shout wit
    happiness becos you dey protect dem. Make
    all those pipo wey love your name brekete
    wit your happiness.
  12. So Baba-God, you go bless pesin wey
    get clean-heart, you go surround am wit your
    favour like guard.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website