Psalm (Pidgin Bible)

Psalm Chapter 14

Abeg click here to share dis post

Di Evil Of Men

1. For di music Producer. Dis na Psalm of David. Pesin wey no get- sense tok sey, “Baba-God no dey.” Dem don spoil finish, na so-so evil dem dey do; no-pesin dey do beta tin again.

2. Baba-God look down from heaven to see if pesin still dey wey understand among man pikin, and if pesin still dey fyne Baba-God.

3. Dem don throway-face, all of dem don corrupt finish; no-pesin dey do good again, no single pesin.

4. Abi badbelle pipo no go ever learn—those pipo wey dey chop my pipo as men take dey chop bread, and wey no dey gree pray to Baba-God?

5. See as fear don cover dia head, BabaGod dey wit di generation of good pipo.

6. Una wey be wicked pipo dey spoil poor pipo plans, but na Baba-God dey protect dem.

7. Oh, make salvation for Israel come from Zion!Wen Baba-Godbringback hin pipo wey dem carry as prisoners, make Jacob celebrate, and make Israel happy


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website