Psalm (Pidgin Bible)

Psalm Chapter 25

Abeg click here to share dis post

Dis Na Prayer For Guidance Plus

  1. Dis na Psalm of David. Oh Baba-God, I
    dey carry my soul give you;
  2. Oh Baba-God, na you I dey trust. No let shame catch me, no let badbelle pipo win me.
  3. No let shame catch any-pesin wey put
    hin hope on you, but make shame catch all those pipo wey dey do evil tins for no reason.
  4. Oh Baba-God, show me your ways,
    teach me your road;
  5. guide me inside your truth, con teach
    me—na you be Baba-God wey dey save me, and I dey wait on you from morning till night.
  6. Oh Baba-God, remember your soft
    mercy and your soft-love—dem dey since olden days.
  7. Make you forget those sins wey
    I commit wen I be youth, forget my evil ways, remember me based-on how you take dey sorry-for pesin—oh Baba-God, becos of your goodness.
  8. Baba-God good and hin way straight; so he dey teach sinners for hin way.
  9. He dey guide humble pipo for di way of justice, and he dey teach humble pipo hin way.
  10. All Baba-God ways na mercy plus
    truth—to those pipo wey dey keep hin
    agreement, plus hin word.
  11. Oh Baba -God, be cos of your
    name—forgive my sins, even though dem big well-well.
  12. Who be di man wey dey fear Baba-God? Baba-God go teach am di correct way wey he choose.
  13. He go live in prosperity, and di land go
    belong to hin pikin-pikin-pikin.
  14. Baba-God dey share hin secret wit pipo wey dey fear am; he dey show dem hin agreement.
  15. My eyes always dey look Baba-God
    face, he go komot my leg from trap.
  16. Turn—face me, and make you sorry-for me, I dey alone and wahala dey for my head.
  17. Di wahala wey dey for my heart don burku; free me from palava.
  1. Look my palava and wahala, con forgive my sins.
  2. Reason my enemies, dem don burku,
    dem hate me seriously!
  3. Guard my life—con save me; make
    shame no catch me, becos na you I dey trust.
  4. Make my good character, plus clean-hand protect me, becos my hope dey on you.
  5. Oh Baba-God, save Israel, from all dia wahala!


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website