Psalm (Pidgin Bible)

Psalm Chapter 26

Abeg click here to share dis post

Dis Na Prayer For Protection

  1. Dis na Psalm of David. Confam sey I dey right, Oh Baba-God, becos I don live life wey pure; I don trust Baba-God—so I no-fit fall.
  2. Observe me, Oh Baba-God, confam me; try my heart plus my mind,
  3. your soft-love always dey for my face,
    and I don waka inside your truth.
  4. I neva sidon wit useless pipo, or waka
    wit fake-pipo;
  5. I hate where evil pipo gada, and I no gree sidon wit badbelle pipo.
  6. I go wash my hand becos I dey innocent, so I go waka round your altar—Oh Baba-God,
  7. as I dey sing wit tanks-giving, and tok
    about your ogbonge works.
  8. Oh Baba-God, I don love di house where you dey stay, and di place—where your levels dey.
  9. No count my soul join sinners, or carry my life go wit men wey like to shed blood,
  10. wey evil plan dey dia hand, wey dia right hand full wit egunje (bribes).
  11. But as for me, I go live my life wit no
    error; save me and sorry-for me.
  12. My leg dey stand for ground wey level; I go bless Baba-God for where hin pipo gada.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website