Psalm (Pidgin Bible)

Psalm Chapter 41

Abeg click here to share dis post

David Prayer Wen He No-well

  1. To di Producer of music. Dis na Psalm of David. Blessings for di man wey dey reason poor pipo, Baba-God go save am wen kasala burst.
  2. Baba-God go protect am, and keep hin life; Baba-God go bless am for di earth, and Baba-God no go allow hin enemies wish for am—happun.
  3. Baba-God go give am pawa wen he sick on top bed, con make am stand up from hin sickbed.
  4. I tok sey, “Oh Baba-God, sorry-for me;
    heal my soul, I don sin against you.”
  5. My enemies dey bad-mouth me, “Wen
    he go kpeme, and hin name go fade?”
  6. He dey tok lie any time he fyne
    me come—hin heart dey gada evil to
    esef—naso he go komot—con start to dey spread di gist.
  7. All di pipo wey hate me—dey do aproko for my mata; dem dey plan to wound me.
  1. Dem tok sey, “Evil disease don hook am; he no go ever stand up from di place wey he dey lie down.”
  2. Even my correct padi wey I trust, wey
    dey follow me chop bread—don change-am-for me.
  3. But you, Oh Baba-God, sorry-for me;
    carry me up so dat I go pay dem back.
  4. Wit dis, I know sey you dey happy wit
    me, becos my enemies no win me.
  5. As for me, you dey keep me inside my
    beta character, con make me dey for your front forever.
  6. Blessings for Baba-God of Israel, from
    everlasting to everlasting. Amen! Amen!

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website