Psalm (Pidgin Bible)

Psalm Chapter 111

Abeg click here to share dis post

To Dey Praise Baba-God

  1. Praise Baba-God. I go worship Baba-God wit all my heart—for di meeting of holy-pipo, and for where hin pipo gada.
  2. Baba-God handwork na ogbonge, pipo
    wey like dem dey learn dem.
  3. Pipo dey respect hin works, dem get
    levels, and hin goodness dey last forever.
  4. He don make pipo remember hin
    wonderful works. Baba-God brekete wit grace, and he get soft-heart.
  5. He dey provide food for pipo wey dey
    fear am; he dey remember hin promise forever.
  6. He don show hin pipo di pawa of hin
    works, wen he give dem di land of oda
    nations.
  7. Di tins wey he dey do wit hin hand na wit faithfulness plus justice; pesin fit trust hin commandments.
  8. Dem dey kamkpe for ever and ever, na
    truth and righteousness he take do am.
  9. He dey save hin pipo, and he no go ever break hin agreement wit dem. Hin name Holy, and hin name na Ogbonge.
  10. Di fear of Baba-God na where wisdom
    take start; everi-pesin wey dey keep hin commandment dey get beta understanding. Hin praise dey last forever!

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website