Psalm (Pidgin Bible)

Psalm Chapter 116

Abeg click here to share dis post

Saved From Death

  1. I love Baba-God becos he don hear my voice, and di tin wey I dey ask from am.
  2. Becos he turn hin ears face my side, so I go call Baba-God—as long as I dey alive.
  3. Di ropes of death surround me; and di
    pains of death hold me. See me see trouble, see me see wahala.
  4. I con call Baba-God name: “Chai Baba-God, biko save my soul!”
  5. Baba-God dey kind, and he dey good,
    and he dey sorry-for pesin.
  6. Baba-God dey protect ordinary pipo;
    wen I bin dey low-key, and he save me.
  7. Chai my soul, make you relax again,
    becos Baba-God dey good to me.
  8. Oh Baba-God, you don free my soul
    from death, and my eyes from tears, and you no let me fall,
  9. so dat I go waka for Baba-God
    front—inside di land of di living.
  10. I trust Baba-God wen I tok sey, “I dey
    suffer well-well.”
  11. And I rush tok sey, “All men na lie- lie.”
  12. Wetin I go give Baba-God for all di beta tins wey he don do for me?
  13. I go lift up di cup of salvation, con call
    upon Baba-God name.
  14. I go pay my promise to Baba-God now, for front of all hin pipo.
  15. Baba-God no dey use hin pikin life
    play—he value dem well-well.
  16. Oh Baba-God, true-true I be your
    servant; I be your servant—I dey serve you just as my mama serve you, you don free me from my chains.
  17. I go give you sacrifice of tanks-giving,
    con call Baba-God name.
  18. I go pay my promises to Baba-God now, for front of all hin pipo.
  19. For inside Baba-God house, among Jerusalem—make una praise Baba-God.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website