Psalm (Pidgin Bible)

Psalm Chapter 47

Abeg click here to share dis post

Baba-God Na Igwe

  1. For di producer of music. Dis na Psalm of Korah pikin. Oh clap una hands all di nations! Shout to
    Baba-God like pesin wey don win.
  2. Baba-God wey be di Oga kpatakpata na ogbonge, na ogbonge King for di whole earth.
  3. He go make nations obey us, and he go put nations under awa leg.
  4. He choose land for us wey we dey stay, land wey Jacob—di pipo wey he love—dey use make- mouth as dia own property.
  5. Baba-God don move go up-up wit shout, and wit di sound of trumpets.
  6. Make una sing praises to Baba-God, sing praises! Make una sing praises to awa King, make una sing praises.
  7. Na Baba-God be di King of all di earth,
    sing praises wit understanding.
  8. Baba-God dey reign over all di nations. Baba-God sidon for hin holy king-chair.
  9. Di princes of di nation don gada togeda, di pipo of di God of Abraham. Na Baba-God dey protect di earth. Hin levels high well-well.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website