Psalm (Pidgin Bible)

Psalm Chapter 58

Abeg click here to share dis post

Abeg Punish Badbelle Pipo

  1. For di producer of music. To di tune of, “No Scata.” Dis na Poem of David. Rulers, una true-true dey use una church-mind dey tok di right tin? Man pikin, una dey use justice judge pipo?
  2. Eehnn…for inside your heart you dey do evil; and you dey use your hand take make pipo dey fight tru- out di land.
  3. Wicked men don miss-road since wen
    dem komot from dia mama belle; dem waka miss-road as dem born dem—dem be lie-lie.
  4. Dia poison be like poison for snake
    mouth, dem no dey listen like cobra wey deaf, wey no gree hear di music of di jazz-man no mata as he play wit hin skill.
  5. Break di teeth wey dey dia mouth, Oh
    Baba-God, break di sharp teeth of di young lions komot, Oh Baba-God!
  6. Make dem flow komot like water wey
    dey run steadily; make dia weapon no work for dem—make dia arrow break to pieces.
  7. Like snail wey dey melt, make everi one of dem pass go, like pikin wey die for e mama belle, so dat dem no go ever see di sun.
  8. Make badbelle pipo sweep komot wit
    rolling-breeze before faya wood start to dey make pot hot—Baba-God go blow dem komot wit vex as dem dey alive.
  9. Good pesin go happy wen Baba-God don revenge for dem, he go use wicked man blood take wash hin leg.
  1. Naso pipo go con tok sey, “Baba-God
    still dey pay good pipo; surely Baba-God dey—wey dey judge di earth.”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website