Psalm (Pidgin Bible)

Psalm Chapter 84

Abeg click here to share dis post

Baba-God House Dey Hungry Me

  1. For di producer of music. Play am to di music instrument of Gath. See as your house fine well-well, Oh Baba-God Almighty!
  2. My soul dey hungry, eehn…e dey faint
    just to enta Baba-God house; my heart plus my body dey cry out for di living God.
  3. Even di birds don see house—she don see bird-house for hersef—where she go fit lay her eggs put; even near your altars, oh
  4. Baba-God Almighty, my Igwe and my God.
  1. Blessings for those pipo wey dey stay for your house; dem dey always praise you.
  2. Blessings for di man wey depend on
    Baba-God for pawa, wey dia heart dey on di road to Zion.
  3. As dem dey pass bottom of di mountain wey dem dey call Baca, dem turn am to spring; and rain sef dey cover am wit pools.
  4. Dem get pawa more-more as dem dey
    move—until everi single one of dem show-face for Baba-God front for Zion.
  5. Hear my prayer, Oh Baba-God
    Almighty; hearme, Oh Godof Jacob.
  6. Oh Baba-God, look awa shield; and
    shine your face on di pesin wey You anoint.
  7. E beta make I dey one day for your
    house, dan make I spend one thousand days for anoda place. E beta make I be gateman
    for your house, dan make I dey for wicked man house.
  8. Baba-God na sun and defense; Baba-God dey give grace plus levels; he no go hide any beta tin from pipo wey get clean-hand.
  9. Oh Baba-God Almighty, blessings for di man wey trust you!

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website