Psalm (Pidgin Bible)

Psalm Chapter 85

Abeg click here to share dis post

Call Upon Baba-God To Sorry-for
Us

  1. For di producer of music. Dis na Psalm of di son of Korah. Oh Baba-God, you don favour your land; you don bring back di prisoners of Jacob.
  2. You don forgive di wrong tins wey your pipo do, con cover all dia sins.
  3. You don stop to dey vex for dem, you don turn from your serious vex.
  4. Oh Baba-God save us again, and stop to dey vex for us.
  5. Abi you wan vex for us forever? Abi you wan vex for us for all di generations?
  6. Abi you no go ginger us again, so dat
    your pipo go happy becos of you?
  7. Sorry-for us, oh Baba-God, and give us
    your salvation.
  8. I go listen to wetin Baba-God di Oga go tok; he go promise peace to hin pipo, plus hin holy-pipo—but make dem no do mumu tins again.
  9. True-true, hin salvation dey near pipo wey dey fear am, so dat hin glory go dey for di land.
  10. Mercy plus truth don jam togeda, goodness plus peace don kiss each oda.
  11. Truth go show-face from di earth, and goodness go look down from heaven.
  12. Baba-God go true-true give una beta tins, and awa land go produce e harvest.
  13. Goodness go dey for Hin front, and e go make Hin steps—awa way.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website