Psalm (Pidgin Bible),  Ezra

Psalm Chapter 86

Abeg click here to share dis post

Dis Na Cry For Epp

  1. Dis na prayer of David. Oh Baba-God,
    bend your ear to hear me; becos I be poor pesin, and I need epp.
  2. Guard my life becos I be holy pesin; oh you be my God, save your servant wey trust you!
  3. Sorry-for me, chai Baba-God; I dey cry
    to you everi day.
  4. Put happiness for your servant life, Oh
    Baba-God, becos na you I dey carry my soul give.
  5. Baba-God, you dey good and you dey
    ready to forgive pesin, and you dey sorry-for pipo well- well—wey dey call your name.
  6. Hear my prayer, Oh Baba-God, hear my voice wey dey ask from you.
  7. I go call you for di day wen yawa gas,
    and you go ansa me.
  8. Among di gods, no one be like you Baba-God; no-pesin fit do di tins wey you don do.
  9. All di nations wey you don make—go
    come worship for your front, oh Baba-God, and dem go give your name levels.
  10. You too big, and you dey do ogbonge
    tins; na only you be Baba-God.
  11. Oh Baba-God, teach me your ways, and I go waka inside your truth; give me one mind, so dat I go fear your name.
  12. Oh Baba-God my Oga, I go praise you
    wit all my heart. I go give your name levels forever.
  13. You dey sorry-for me well- well. You
    don free me from grave.
  14. Oh Baba-God, pipo wey dey make-mouth dey fight me; and plenty wicked men dey fyne my life—men wey no dey reason you.
  15. But you, Oh Baba-God, you be God wey brekete wit kindness plus grace, you no dey quick vex, you dey sorry-for pesin well-well, and your truth brekete.
  16. Turn look my face, and make you sorry-for me; give your pawa to your servant, and save me becos I dey serve you just like my mama serve you.
  1. Show me sign of your goodness, so dat shame go catch my enemies wen dem see am; becos you oh God, na you don epp me—con cool me down.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website