Psalm (Pidgin Bible)

Psalm Chapter 98

Abeg click here to share dis post

Na Baba-God Dey Rule Di World

  1. Dis na Psalm. Oh sing new song for
    Baba-God! Becos he don do elele tins; he don use hin right hand and holy hand take win.
  2. Baba-God don make pipo sabi hin
    salvation, and he don show di nations hin goodness.
  3. He don remember hin mercy and
    faithfulness to di house of Israel; all di ends of di world don see di salvation of awa God.
  4. Shout wit joy to Baba-God all di earth,
    oya start to dey sing, jolly, and sing praises.
  5. Sing songs to Baba-God wit di harp
    (musical instrument), wit harp plus sound of psalm,
  6. wit trumpet plus sound of horn; shout wit
    joy for front of Baba-God—di Oba [King].
  7. Make di big-river shout, plus everitin
    wey dey inside am; di world, plus everi-pesin wey dey stay inside am.
  8. Make di rivers clap dia hands, make di
    mountain happy togeda for Baba-God front;
  9. becos Baba-God dey come to judge di
    earth. He go judge di world wit clean-heart and judge di pipo wit justice.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website