Psalm (Pidgin Bible)

Psalm Chapter 140

Abeg click here to share dis post

Freedom From Pipo Wey Dey Show Me Pepper Becos Of Baba-God

  1. For di producer of music. Dis na Psalm of David. Oh Baba-God,
    save me from evil men; protect me from men wey like fight-fight,
  2. men wey dey plan evil for dia heart, and wey dey always gada togeda for war.
  3. Dem sharp dia tongue like snake. Snake poison dey drop from dia lips.
  4. Oh Baba-God, guard me from di hands of wicked pipo. Protect me from men wey like to shed blood, wey don dey plan to make me fall.
  5. Men wey dey buga don set trap for me, plus ropes; dem don spread net for corner of road. Dem don set trap for me.
  6. I con tell Baba-God sey, “Na you be my God. Hear my cry for mercy Oh Baba-God.”
  7. Oh Baba-God my Oga—di pawa wey
    dey save me—wey dey cover my head wen fight dey.
  8. Oh Baba-God, no give wicked pipo
    wetin dem wish for; no let dia plan succeed, or dem go dey make- mouth.
  9. As for di head of those pipo wey
    surround me, make di evil wey dey dia
    mouth cover dem.
  10. Make hot faya fall for dia head. Make
    dem throway dem inside faya, make dem fall inside deep hole—sote dem no go fit stand up again.
  11. Make pipo wey get bad-mouth no stand gidigbam for di land; make evil pursue pipo wey like to shed blood—to fall dia hand.
  12. I know sey Baba-God go fight for pipo
    wey dey suffer, and justice for poor pipo.
  13. Surely good pipo go praise your name, and di pipo wey get clean-heart go stay wit you.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website