Isaiah Chapter 56

Abeg click here to share dis post

Baba-God Go Save All Nations

  1. Dis na wetin Baba-God tok, “Make una do tins wit una church-mind, and make una do wetin dey right; becos I go soon save una and my clean-heart go soon show-face.
  2. Blessings for di man wey do all dis tins, and man pikin wey hollam tight, wey dey keep di Sabbath and wey no corrupt am, and wey dey komot hand from evil tins.
  3. Make no foreigner wey don join hinsef wit Baba-God tok sey, “Baba-God don komot me from hin pipo kpatakpata.” And make di eunuch* no tok sey, “I be like dry tree.”
  4. Becos dis na wetin Baba-God dey tell di eunuchs* wey dey keep di Sabbath, wey dey choose wetin dey make me happy, and wey dey hold my agreement tight—
  5. I go give dem place inside my house and inside my walls. I go give dem name wey beta pass sons and daughters; I go give dem name wey go last forever, wey no go cut komot.
  6. Even di sons of jjc (stranger) wey gum-body wit Baba-God, to serve am and to love Baba-God name, and to be hin servant, everi pesin wey dey keep di Sabbath make e no corrupt, and wey dey hold my agreement—
  7. I go bring even dem to my holy mountain, and I go make dem happy inside my house of prayer. I go accept dia burnt offering plus sacrifices for my altar; becos dem go call my house di house of prayer for all pipo.
  8. Baba-God di Oga wey dey gada di pipo wey dem pursue komot from Israel—tok sey, ‘I go still gada odas sef, apart from dis ones wey I don already gada for am.”

Di Leaders of Israel Wey Dey Commit Sins

9. Make all di wild animals for di land come chop anyhow, make all di wild animals for forest come.

10. Hin watchmen dey blind, all of dem no sabi anytin (dem be olodo). All of dem na mumu dogs, dem no fit bark; dem dey sleep, dem dey lie down, dem dey enjoy make sleep carry dem go.

11. Yes dem be longatrot dog wey no fit belleful. Dis leaders no get any understanding. All of dem dey face dia own way. All of dem dey do only wetin dem fit gain from.

12. Dem go tok sey, “Make una come, make I bring di wine, make we drink ogogoro, and tomorrow go be like today—and e go even pass today!”


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website