Ezekiel

Ezekiel Chapter 25

Abeg click here to share dis post

Prophecy Against Ammon

  1. Message from Baba-God come meet me again, sey:
  2. “Man pikin, set your face against di land of Ammon, con prophesy against dem.
  3. Tell dem sey, ‘Hear Baba-God Almighty word. Dis na wetin Baba-God Almighty tok: Becos una tok sey, ‘Ntoor,’against my holy-place wen dem corrupt my House, and una yab Israel for her scata-scata, con laff Judah as dem dey carry dem as prisoners of war;
  4. So I go carry una give di pipo of di east—as dia property. Dem go build dia palaces for una place, con settle down among una; dem go chop una fruits, con drink una milk.
  5. I go turn Rabbah to place where camels go dey chill, and I go turn Ammon to place where sheep  go dey rest. Den una go sabi sey na me be Baba-God.”
  6. ‘Becos dis na wetin Baba-God Almighty tok: “Becos una clap una hands and jump up, con dey happy for inside una heart wit una badbelle for di land of Israel,
  7. naso I go stretch out my hand against una and I go allow di nations rob una. I go cut una komot from di nations, con komot una from di kontris. I go scata una, and una go sabi sey na me be Baba-God.’ ”

Prophecy Against Moab

  • ‘Dis na wetin Baba-God Almighty tok: “Becos Moab plus Seir tok sey, ‘See, di house of Judah don be like oda nations,’
  • I go allow pipo attack di cities wey defend di border of Moab, plus even di finest cities— Bethjeshimoth, Baalmeon, and Kiriathaim.
  • I go let di tribes wey dey for di eastside of di desert beat Moab, togeda wit Ammon. I go give dem to dia enemies—sote di pipo of Ammon no go fit be nation again.
  • And I go suffer Moab wit punishment. Naso dem go sabi sey na me be Baba-God.”

Prophecy Against Edom

  1. ‘Dis na wetin Baba-God Almighty tok: “Becos Edom revenge against di house of Judah, con commit big sin by doing like dat,”
  2. naso Baba-God Almighty tok: “I go stretch out my hand to attack Edom, con kill di pipo plus dia animals. I go turn am to waste, and from Teman reach Dedan—dem go fall by di sword.
  3. I go revenge on Edom wit di hand of my pipo Israel, and dem go deal wit Edom based- on my vex and para, and dem go see my vex,” naso Baba-God Almighty tok.

Prophecy Against Philistia

  1. ‘Dis na wetin Baba-God Almighty tok: “Becos di Philistines revenge on dia old enemies, con use badbelle take scata dem wit revenge for dia heart;
  2. So, dis na wetin Baba-God Almighty tok: “I go stretch my hand against Philistine, and I go cut di Kerethites komot, con dabaru those wey remain along di water-side.

I go revenge well-well on dem, con punish dem as I dey vex. Naso dem go sabi sey na me be Baba-God, wen I revenge on dem.”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website