Ezekiel

Ezekiel Chapter 48

Abeg click here to share dis post

Di Sharing Of Di Land

  1. “Na dis be di names of di tribes: From di north border along di road to Hethlon to Hamath—to Hazar-enan, to di north border of Damascus—go reach Hamath. Di area stretch go di sides of di land of Israel from east to west—nahin be one portion for Dan.
  2. “Asher go get one portion; e go share border wit di territory of Dan—from di east to di west side.
  3. Naphtali go get one portion; e go share border wit di territory of Asher from east to west.
  4. Manasseh go get one portion; e go share border wit di territory of Naphtali from east to west.
  5. Ephraim go get one portion; e go share border wit di territory of Manasseh from east to west.
  6. Reuben go get one portion; e go share border wit di territory of Ephraim from east to west.
  7. Judah go get one portion; e go share border wit di territory of Reuben from east to west. 8. For di border of Judah, from di east side to di west side, nahin go be di area wey una go separate. E go long reach  12 ½ kilometers,  and e go wide from di east border of Israel, for di west side of di Mediterranean Sea. E go long reach one of di oda part of di land for di tribes. Na di middle of dis area Baba-God house go dey.
  8. For di center of dis area, una go keep special place wey long reach 12 ½ kilometers, con wide reach 10 kilometers.
  9. Na dis go be di holy area for di priests: For di north side, e go long reach 12 ½ kilometers,  for di west side, e go wide reach 5 kilometers, for di east side e go wide eash 5 kilometers,  and e go long reach 12 ½ kilometers for di south side. Baba-God house go dey for di middle of dis area.
  10. Dis holy area go be for di holy priests wey be di pikin-pikin-pikin of Zadok. Dem serve me and dem do dia work; dem no gree join di remaining pipo of Israel do wrong tins just like di oda Levites.
  11. E go be special gift to dem from di holy part of di land, di most holy part— e go share border wit di area of di oda Levites.
  12. Di Levites sef go get special area, for di south side of di priests. Di place sef go be 10 miles from east to west, 4 miles from north to south.
  13. Dem must no sell or exchange anytin of am. Na dis be di best part of di land, and e must no enta oda pipo hand, becos e dey holy for Baba-God.
  14. Di part of di special area wey remain—wey wide reach 8,750 feet, con long reach 43,750 feet, no dey holy, but everi pesin fit use dat area. Dem fit live for there and use di land. Make di city dey for di middle of di place,
  15. Na dis go be dis measurement of di city: 1 ½ miles for di north side, 1 ½ miles for di south side, 1 ½ miles for di east side, and 1 ½ miles for di for di west side.
  16. All round di city, for everi side, make open space dey wey be 437 ½ feet for di north side, 437 ½ feet for di south side, 437 ½ feet for di for di east side, plus 437 ½ feet for di west side.
  17. Outside di city, farmland go dey wey long reach 17,500 feet for di east side, and 17,500 for di west side, along di border of di holy area. Na dis land go produce food for di pipo wey dey work for di city.
  18. Any pesin wey dey live for di city, no mata di tribe wey di pesin come from, di pesin fit farm for di land.
  19. And so di full area for di center of di territory wey una go separate—go be square wey di measurement na 43,750 feet for di two sides; una go separate dis holy area along wit di area wey belong to di city.
  20. Wetin remain from di two sides of di holy area and di area wey belong to di city—go belong to di prince, e wide wit 8 1/3 miles  to di east border of di holy area, and e wide reach wit  8 1/3 miles to di west border. Di holy land go dey di middle of dis two area—wit di worship-place sef.
  21. So di property of di Levites plus di property of di city go dey for di center of di area wey belong to di prince. Di area wey belong to di prince go dey between di border of Judah plus di border of Benjamin.
  22. “As for di rest of di tribes: Bejamin go get one portion; e go long from di east side to di west side.
  23. “Simeon go get one portion; e go share border wit di area of Benjamin from east to west.
  24. “Issachar go get one portion; e go share border wit di area of Simeon from east to west.
  25. “Zebulun go get one portion; e go share border wit di area of Issachar from east to west.
  26. “Gad go get one portion; e go share border wit di area of Zebulun from east to west.
  27. “Di south border of Gad go be from Tamar to di water of Maribah-kadesh, along di  small-river of Egypt, reach di Mediterranean Sea.
  28. “Na dis be di land wey you go share as di property of di tribes of Israel, and naso dia portion go be ,” naso Baba-God Almighty tok.

Di Gates of Di City Plus Dia Names

  • “Na dis go be di gates to komot from di city: Starting from di north wey go long reach 1 ½ mile.
  • Na three gates go dey, and dem go name dem wit everi single names of di tribes of Israel; one gate for Reuben, one for Judah, and one for Levi.
  • For di east side, e go long reach 1 ½ mile. Dem go name di gates: Joseph, Benjamin and Dan.
  • For di south side, e go long reach 1 ½ mile, dem go name di gates: Simeon, Issachar plus Zebulun
  • And for di west side, e go long reach one and half mile, dem go name di gates Gad, Asher plus Naphtali.
  • Di city and di wall for di four sides go long reach 6 miles. And from dat day di name of di city go be, ‘Baba-God Dey For There.”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website