Haggi

Haggi Chapter 1

Abeg click here to share dis post

  Call To Build Baba-God House Again

  1. For di second year of king Darius, on di first day of di sixth month, Baba-God word come tru di prophet Haggai, to Zerubbabel wey be di son of Shealtiel, wey be di govnor of Judah, and to Joshua wey be di son of Josedech di high priest.
  2. Dis na wetin Baba-God Almighty tok: “Dis pipo dey tok sey, ‘Di time neva reach wey dem go build Baba-God house.’ ”
  3. Naso Baba-God word come tru di prophet Haggai
  4. “Abi dis na time for una to dey live for inside una fine-fine house, but my house don scata?
  5. Now, dis na wetin Baba-God Almighty tok: “Make una reason you ways well-well!
  6. Una don plant plenty food, but na only small tin una con harvest. Una dey chop, but you no dey belleful. Una dey drink but you no dey high. Una dey wear clothes, but cold still dey catch una. Una dey collect salary, but na inside pocket wey get holes una dey put di moni.”
  7. Dis na wetin Baba-God Almighty tok: “Reason your ways well-well.
  8. Go di mountains and make una bring woods, con build di house, so dat I go happy for am. And I go get levels,” na wetin Baba-God tok.
  9. “Una expect plenty harvest, but na only small tin una con get, and wen una carry una harvest come house, I blow am komot. Why?” Baba-God Almighty dey ask, “Becos of my house, wey don kpafuka, and all of una busy wit una own house.
  10. Nahin make di heavens don hold dia rain, and di earth don hold dia fruits.
  11. I don tok sey make water no dey for di land and di mountains, for di corn, for di new wine, di ororo, plus anytin wey di land dey produce; and make water no dey for men plus malu, and for everitin wey una don work hard for wit una hand.”

Di Pipo Obey

12. Naso Zerubbabel wey be di son of Shealtiel, and Joshua wey be di son of Josedech, di high priest, wit all di remaining pipo—con obey Baba-God word and di message of prophet Haggai—just as Baba-God dia Oga send am. And di pipo con fear Baba-God.

13. Naso Haggai wey be messenger of Baba-God con give dis message of Baba-God to di pipo, “I dey wit una, naso Baba-God tok.”

14. So Baba-God ginger di spirit of Zerubbabel wey be di son of Shealtiel, di govnor of Judah, and di spirit of Joshua wey be di son of Jehozadak di high priest, plus di spirit of di whole pipo wey remain. Dem come, con start to dey work on di house of Baba-God Almighty, wey be dia God,

15. on di twenty-fourth day of di sixth month, for di second year of king Darius.

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website