Zechariah

Zechariah Chapter 3

Abeg click here to share dis post

Clean Clothes For Joshua Wey Be Di High Priest

  1. He con show me Joshua wey be di high priest, wey dey stand for front of Baba-God angel, and Satan dey stand for hin  right hand to carry mata put for hin head.
  2. Baba-God con tell Satan sey, “Baba-God don change-am- for you, oh Satan! Baba-God wey don choose Jerusalem—don change am for you! Abi dis  man no be like  stick wey dey burn—wey dem drag komot from faya?”
  3. Now Joshua wear cloth wey no clean as he stand for di angel front.
  4. Di angel con tell those pipo wey dey stand for hin front sey, “Make una komot hin clothes wey no clean.” He con tell Joshua sey, “See, I don komot your sin, and I go wear fine cloth for your body.”

          Di Branch Wey Dey Come

5. I con tok sey, “Put clean priest-cap for hin head.” So dem put  clean priest-cap for hin head, con wear clothes for hin body—as Baba-God angel stand for there.

6. Naso Baba-God angel follow Joshua tok seriously, sey:

7. “Dis na wetin Baba-God Almighty tok: ‘If you go waka for my way, con keep my laws, den you go rule my house, con dey in charge of my yards; and I go give you place among  those wey dey stand for here.

8. ‘Listen, oh Joshua di high priest, you plus your padis wey dey sidon for your front; dis men na ogbonge signs [sign of wetin go happun]; see, I dey bring my servant wey be di BRANCH.

9. See di stone wey I don set for Joshua front! Na seven eyes dey for dat one stone, and I go write for inside di stone,’ naso Baba-God Almighty tok, ‘And I go komot di sins of di  land in one single day.

10. “On dat day, everi one of una go invite hin neighbour to  come sidon under hin vine tree and under hin fig tree,’” naso Baba-God Almighty tok.’”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website