Mark

Mark Chapter 3

Abeg click here to share dis post
  1. Anoda time, Jesus komot go di worship-place, and one man wey hin hand paralyze—dey for there.
  2. Some of dem bin dey look for sometin to take catch Jesus, so dem con dey look am if he go heal di man on Sabbath day.
  3. Jesus con tell di man wey hin hand
    paralyze—sey, “Stand up for front of everi-pesin.”
  4. Naso Jesus con ask dem sey, “Which one good to do for Sabbath: to do bad or to do good, to save pesin or to kill pesin?” So dem no con tok anytin.
  5. He look dem, con dey vex for dem, di tin pain am as he dey reason di way dia mind stubborn reach. So he tell di man sey, “Stretch your hand come out.” Di man stretch hin hand come out, naso hin hand con dey okay.
  6. So di Pharisees komot go dey reason wit di Herodians as dem go take kill Jesus. Plenty Pipo Follow Jesus
  7. Jesus komot wit hin disciples go di river, naso plenty pipo from Galilee follow dem.
  8. Gist about Jesus con spread, and plenty pipo come meet am from Judea, Jerusalem, Idumea and from di areas across di Jordan, and around Tyre and Sidon.
  9. As pipo plenty well- well, he tell hin
    disciples make dem arrange one small boat for am, so dat pipo no go too gada am.
  10. He don heal plenty pipo, and pipo wey
    dey sick still dey push go front just to touch am.
  11. Any time wey evil spirit see am, dem go fall down for ground dey halla, “Na you be Baba-God pikin.”
  12. But he tell dem sey make dem no tok
    who he be. As He Take Choose Di Twelve Disciples
  13. Jesus waka go di mountain side, he call all those pipo wey he want, and dem come meet am.
  14. He choose twelve of dem as hin
    disciples—so dat dem go dey wit am, and he go send dem go preach,
  15. and make dem get pawa to pursue bad-spirit.
  16. Na di twelve disciples wey he choose be dis: Simon (wey he like to dey call Peter);
  17. James wey be Zebedee son—and hin
    broda John (na dem he like to dey call
    Boanereges, wey mean Sons of Thunder);
  18. Andrew, Philip, Bartholomew, Matthew, Thomas, James wey be Alphaeus pikin,
    Thaddaeus, Simon wey serious well-well,
  19. plus Judas wey betray am.
    Jesus And Beelzebub
  20. Jesus enta one house, and naso plenty
    pipo con gada, sote him and hin disciples no
    fit chop.
  21. Wen hin family hear wetin dey happun, dem go meet am to take care of am, dem con tok sey, “Hin head no correct.”
  1. Di teachers of di law wey come from
    Jerusalem con tok sey, “Evil spirit don
    possess am! Na di prince of demon nahin he take dey pursue evil spirit.”
  2. So Jesus call dem, con dey use parable follow dem tok; “How Satan go take pursue Satan?
  3. Kingdom wey dey scata esef no go fit
    stand.
  4. House wey dey scata esef no go fit stand.
  5. And if Satan dey fighthinsef, con dey
    scata hinsef, he no go fit stand; hin own don finish be dat.
  6. I dey tell una sey no- pesin go fit enta
    strong man house, con carry hin property komot, unless he first tie di strong man down. Naso he go take rob di house.
  7. I dey tell una di truth sey Baba-God go
    forgive everi sin wey men commit, and dia bad-mouth for Baba-God.
  8. But Baba-God no go forgive any-pesin
    wey dey down- grade di Holy Spirit; e go face punishment forever.”
  9. He tok dis tins becos dem dey tok sey,
    “He get evil spirit.”
    Jesus Mama And Brodas
  10. Naso Jesus mama and brodas con show. As dem stand for outside, dem send pesin go call am.
  11. Plenty pipo dey sidon near am as dem
    con tell am sey, “Your mama and your brodas dey for outside dey fyne you.”
  12. Naso he ask dem sey, “Who be my mama and by brodas?”
  13. He look di pipo wey sidon round am con tok sey, “See my mama and my brodas! Any-pesin wey do wetin Baba-God want—nahin be my broda, sista, and mama.”

Loading

Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website