1st Thessalonians

1st Thessalonians Chapter 1

Abeg click here to share dis post

1. Dis letter na from Paul, Silas plus Timothy, We dey write dis letter to di church for Thessalonica, wey belong to Baba-God di Fada, and Oga Jesus Christ: Grace to una and peace from Baba-God di Fada, and awa Oga Jesus Christ.

Tanks-giving For Di Thessalonians’ Faith

2. We dey always tank Baba-God for all of una, as we dey call una name inside awa prayers,

3. We dey always remember una work of faith, and una hustle for love, plus di endurance of hope—inside awa Oga Jesus Christ, and for front of awa God and papa.

4. Brodas we know sey Baba-God love una, and he don choose una.

5. Wen we bring di good news come meet una, no be only wit just yarnings, but wit pawa sef, plus di Holy Spirit, and wit full mind; as una confam di kain men wey we be among una, just becos of una.

6. Una turn to awa followers and Jesus followers; even though una dey suffer well-well, una welcome di message wit di happiness wey di Holy Spirit dey give.

7. And naso una take turn to example for all di pipo for Macedonia and Achaia—wey believe.

8. Now, Baba-God message dey spread from una—to pipo everi-where, no be only to pipo for Macedonia and Achaia, but pipo for everi-where don know about una faith for Baba-God, sote we no need to tok anytin.

9. Dem just dey tok about how una take welcome us, and how una take turn from una idols—to serve di living and real God,

10. and to wait for hin Son, wey dey come from heaven—Jesus, wey Baba-God raise from di dead—wey dey save us from di vex wey Baba-God go soon vex.


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website