Revelation Chapter 7

Abeg click here to share dis post

144,000 Wey Dey Sealed

1. Afta dis tins, I con see four angels wey dey stand for di four corners of di earth, dem dey hold di four heavy-breeze of di earth, to stop dem make dem no blow for di land, or on top of di big-river, or for any tree.

2. I con see anoda angel wey dey come from di east, wey get di seal of di living God. He halla wit loud voice to di four angels wey dem give pawa to wound di land, plus di big-river:

3. “No wound di land, or di big-river, or di trees until we put seal for di forehead of di servants of awa God.”

4. I con hear di numba of those pipo wey dey sealed: 144,000 from all di tribes of Israel.

5. From di tribe of Judah 12,000 nahin dey sealed, from di tribe of Reuben 12,000, from di tribe of Gad 12,000,

6. from di tribe of Asher 12,000, from di tribe of Naphtali 12,000, from di tribe of Manasseh 12,000.

7. From di tribe of Simeon 12,000, from di tribe of Levi 12,000, from di tribe of Issachar 12,000.

8. From di tribe of Zebulun 12,000, from di tribe of Joseph 12,000, from di tribe of Benjamin 12,000.

Di Plenty Plenty-Pipo Baffup Wit White Cloth

9. Afta dis, I con look, and for my front—I see plenty plenty- pipo wey no-pesin fit count, from everi nation, tribe, pipo and language, dem dey stand for front of di king￾chair, and for front of di Lamb. Dem wear white cloth, and dem carry palm branches for dia hand.

10. And dem con dey halla wit loud voice sey: “Salvation belong to awa God, wey sidon for king-chair, and to di Lamb.”

11. All di angels stand round di king-chair, and round di senior-men, and di four living tins [beasts]. Dem bow down wit dia face, for front of di king-chair, con dey worship Baba-God:

12. Dem tok sey: “Amen! Blessings and glory, plus wisdom and tanks-giving, and honour, and pawa, plus strength be to awa God-for ever and ever. Amen!”

13. Naso one of di senior- men con ask me, “Dis pipo wey dey wear white cloth—who dem be, and where dem come from?”

14. I con ansa am, “Oga, na you know.” Naso he tell me sey, “Na dem be di pipo wey come out from di great wahala; dem don wash dia clothes, con make am white inside di blood of di Lamb.

15. So, “dem dey for front of di king-chair of Baba-God, and dem dey serve am everi day and night, for inside hin worship-place; and di Pesin wey sidon for di king-chair go live among dem.

16. Dem no go ever hungry again, and water no go hungry dem again. Di sun no go beat dem, or any heat.

17. Di Lamb wey dey for di middle of di king-chair go be dia shepherd; he go carry dem to water wey dey flow wit life. And Baba-God go clean everi tears komot from dia eyes.”


Abeg click here to share dis post

Pidgin Bible na did new Bible translation for Pidgin English Language. Di Bible dey easy to read and understand and e get Pidgin dictionary sef, wey go epp pipo understand more.

Leave a Reply

Your email address will not be published.

No copy from dis website