Jehoshaphat Na King

Micaiah Warn Ahab Ahab Kpeme For War 28. So di king of Israel and King Jehoshaphat of Judah, con attack Ramoth Gilead. 29. Di king of Israel tell Jehoshaphat sey, “I go disguise mysef, con enta di fight, but make you wear your king cloth.” So di king of Israel disguise hinsef and dem enter di fight. 30. Now di king of Syria bin tell di commanders of hin horse-moto sey, “Make una no fight ordinary sojas or top officers; fight only di king of  Israel!” 31. Wen di commanders of di horse-moto see Jehoshaphat, dem tok sey, “Na di king of Israel be dat!” So dem surround am, con attack am, but  Jehoshaphat pray, and Baba-God epp am; con carry dem komot from hin side. 32. Wen di commanders of di horse-moto notice sey he no be di king of Israel, dem turn komot from am. 33. Now one soja just shoot arrow go any where hin belle face, and di arrow hit di king of Israel between di joint of hin fighting-cloth. So he tell di driver of  hin horse-moto sey, “Dem don wound me, turn round make you carry me komot from di fight.” 33. Di…