Psalm Chapter 126

Tanks-giving Sey We Recover

1. Dis na song of rising. Wen Baba-God release di pikin of Zion from chains, we be like pipo wey dey dream.
2. Naso awa mouth yakata wit laff, and awa tongue burku wit singing. Naso di nations con tok sey, “Baba-God don do ogbonge tins for dem.”
3. Baba-God don do ogbonge tins for us, and body dey sweet us.
4. Chai Baba-God, bring back di pipo wey dem catch as prisoners—like streams for di south.
5. Those pipo wey dey plant wit tears—go harvest wit songs of happiness.
6. Pesin wey dey cry komot go plant seeds, go surely come back wit happiness, and he go carry bunch of food come back.