- Make una shout wit joy to Baba-God everi-pesin wey dey for di earth!
- Sing di glory of hin name; make hin praise get levels!
- Tell Baba-God sey, “Your handwork na elele! Your power great well-well sote
your enemies dey shake for where you dey.
- Ever-pesin for di earth dey migwo for you; dem dey sing praises to you, dem
dey sing prasise to your name.”
- Come see wetin Baba-God don do, as di work wey he do for man take dey make
me wonder!
- He turn sea to land, dem use leg pass tru di water—come, make we rejoice for
am.
- Nahin dey rule forever wit hin power, hin eyes dey look di nations—make those
pipo wey don rebel no raise up against am.
- Oh pipo, make una praise awa God, make dem hear di sound of hin praise;
- he don keep awa life and he no gree let our leg dror-fall.
- You, Oh Baba-God, you test us; you refine us like silver.
- You carry us enta prison con put heavy laod for awa back.
- You allow men match awa head; we pass tru faya and water and fire, but you
carry us enta place wey plenty-plenty tin dey.
- I go come your temple wit burnt offering, con fufill my promise—
- vows wey my lips promise and wey my mouth yarn wen wahala dey for my
head.
- I go sacrifice animal wey be orobor for you and I go use ram do offering; I go
give you nama plus goats.
- All of una wey dey fear Baba-God, make una con listen; make I tell una wetin
he don do for me.
- I cry to am wit my mouth; hin prasies dey for my tongue.
- If for inside my heart I like sins, Baba-God for no hear me.
- but Baba-God don surely listen con hear my voice wen I pray.
- Praise be to Baba-God, wey never fashi my prayer or code hin love for me!
Post Views: 89
