Proverbs Chapter 14

Women Wey Get-sense Dey Build
Dia House

1. Wise woman dey build her house, but
   mumu woman go use her own hand take
   scata her house.
2. Pesin wey get clean- heart dey fear Baba-
   God, but pesin wey dey corrupt —hate Baba-
   God.
3. Swegbe dey make- mouth and dem go flog
   am koboko, but wise man lips dey protect
   am.
4. Where malu no dey, di container for malu
   food go clean, but di pawa of malu dey bring
   plenty harvest.
5. Faithful witness no dey tok lie, but fake
   witness dey tok lie.
6. Swegbe dey fyne wisdom and he no see
   am, but knowledge easy for pesin wey get
   understanding.
7. Komot for where mumu man dey, wen you
   no-fit learn anytin from hin lips.
8. Di wisdom of pesin wey get-sense na to
   understand hin way, but di kolomentality of
   mugu na to dey whyne hinsef.
9. Mumu pipo dey laff instead of dem to
   change, but alubarika (blessings) dey for
   where good pipo dey.
10. Na you know where dey pain you, and
    no-pesin fit share inside your happiness.
11. Wicked man house go scata, but good
    man house go prosper.
12. E get one way wey be like sey e dey right
    for man, but las-las di way dey lead to death.
13. Pesin fit dey laff, but he dey cry inside
    hin heart, and celebration fit end wit cry-cry.
14. Badbelle pipo go reap wetin dem sow
    based-on dia way of life, and good man go
    get hin blessings from Baba-God.
15. Swegbe dey believe anytin wey dem tell
    am, but pesin wey get-sense dey reason hin
    way.
16. Wise man dey fear and he dey komot hand from evil, but mumu pesin dey para and hin blood dey hot.
17. Pesin wey dey quick vex dey do mumu
    tins, and pipo hate pesin wey dey do mago-
    mago.
18. Ode (mumu) go inherit kolomentality, but
    pesin wey get- sense go wear crown of
    knowledge.
19. Evil men go bow down for good men
    front, and badbelle pipo go bow down for
    good men gate.
20. Even poor man neighbour hate am, but
    bigman get plenty padi.
21. Pesin wey hate hin neighbour don
    commit sin, but happiness dey for di pesin
    wey dey sorry-for poor pipo.
22. Abi pipo wey dey plan bad tins no dey
    waka miss-road? But mercy plus truth belong
    to pipo wey dey plan good tins.
23. All hard work dey bring profit, but tok-
    tok dey make pesin poor!
24. Wise man wealth na hin crown, but di
    kolomentality of mugu na yeye.
25. Witness wey dey tok true dey save life,
    but witness wey dey lie—na wayo.
26. Pesin dey get full-mind wen e dey fear
    Baba-God, and dia pikin sef go get place to
    hide dia head.
27. Di fear of Baba-God na water of life wey
    dey flow, to komot man from trap of death.
28. Plenty population na king levels, but
    prince dey fall wit- out plenty followers.
29. Man wey no dey quick vex get beta
    understanding, but pesin wey dey quick vex
    dey show di high level of hin mumu.
30. Heart wey get peace na good health, but
    jealousy dey spoil pesin bone.
31. Pesin wey dey oppress poor pipo dey
    disrespect who make am, but pesin wey dey
    respect Baba-God, dey sorry-for poor pipo.
32. Dem go pursue wicked man komot inside
    hin wickedness, but good man get place to
    hide hin head—even wen death show.
33. Wisdom dey rest for inside di heart of
    those pipo wey get understanding, but wetin
    dey inside mumu pipo heart go show.
34. Goodness [righteousness] dey give
    nation levels, but sin na disgrace to any pipo.
35. King dey favour servant wey wise, but
    he dey vex for servant wey dey bring
    disgrace.