Proverbs Chapter 11

Measurement Wey No Correct Na
Tufiakwa

1. Ojoro measurement na tufiakwa for Baba-
   God, but correct measurement dey make
   belle sweet am.
2. Wen pesin start to dey feel big, na disgrace go meet am, but jeje way dey make pesin
3. wise.
4. Di clean-heart of good pipo dey guide
   dem, but di wuru-wuru of unfaithful pipo
   dey dabaru dem.
5. Moni useless for di way wey Baba-God
   dey vex, but na goodness dey save pesin
   from death.
6. Di goodness of pesin wey get clean-hand,
   dey make dia way straight for dem, but
   badbelle pipo dey fall becos of dia
   wickedness.
7. Di good tins wey beta pipo dey do—nahin
   dey save dem, but evil pipo dey fall for di
   trap of di evil tins wey dia body dey scratch
   dem to do.
8. Wen wicked pesin die, hin hope don
   kpeme, and di hope of badbelle don finish.
9. Good man go save from palava, but
   badbelle pipo go use dia head carry di
   palava.
10. Fake-pesin dey use hin mouth take spoil
    hin neighbour, but good man go use wetin he
    know take escape from evil.
11. Wen e beta for good man, di city go dey
    happy; wen badbelle pesin kpeme, everi-
    pesin go dey jolly.
12. Na di blessings of beta [righteous] pesin
    nahin dey give city levels, but wicked pipo
    mouth—nahin dey bring city down.
13. Pesin wey no get-sense dey yab hin
    neighbour, but man wey get understanding
    go keep quiet.
14. Tatafo dey betray trust, but man wey get
    faithful spirit dey keep secret.
15. Nation dey fall becos no good leader to
    guide dem, but di pipo go dey safe wit plenty
    advisers.
16. Pesin wey do guarantor for stranger go
    pay for am, but pesin wey no do guarantor go
    avoid wahala.
17. Pipo go respect woman wey get kind
    heart, but badmen go gain only moni.
18. Man wey kind dey do tins wey he go gain
    from, but badbelle pipo dey carry wahala put
    for dia own head.
19. Wicked man dey do wayo, but any-pesin
    wey plant goodness go get hin blessings wey
    sure.
20. Good man go gain life, but pesin wey dey
    follow evil—dey fyne hin own grave.
    20.Pipo wey get bend-bend heart na
    tufiakwa for Baba-God, but he love those
    pipo wey no get error for dia way.
21. Even though dem join dia pawa togeda, wicked pipo must receive dia pay. But di future of good pesin dey secured.
22. Fine girl wey no get- sense be like gold
    ring for pig nose.
23. Good man wish dey always end up wit
    good tins, but wicked man hope dey end wit
    vex.
24. One man dey give from hin heart and he
    dey get more-more; but anoda man na
    alaroro, and naso he con poor las-las.
25. Man wey dey give wit open-heart go
    prosper; pesin wey water pipo—dem go
    water am sef.
26. Pipo go curse man wey dey hide food, but
    blessings dey on di head of di man wey like
    to sell.
27. Pesin wey serious dey fyne beta tins go
    see alubarika (blessings), but yawa dey
    come meet pipo wey dey fyne evil.
28. Any-pesin wey trust hin moni go fall, but
    good pipo go grow like green leaves.
29. Pesin wey carry wahala put for hin
    family—go inherit breeze, and mugu go be
    wise man servant.
30. Di fruit of good pipo na tree of life, and
    any-pesin wey win soul—get-sense.
31. If good pipo dey reap wetin dem sow for
    earth, wetin go con happun to di pipo wey
    don fashi Baba-God, plus sinners!